Numelo 23:13 - Tosi Tapu

¹³ Na pati loa Palake kiate ia : Toe au loa mo au ki se tasi ake ganea kese, leia e ke tio ai loa ki le kakai katoa o Iselaele, talie i leinei e ke tio fai ki se ga potu o le kakai. Kae mei le ganea loa lena, e ke tuku loa se malaia kiate ia.

Numelo 23:13 ပူးပေါင်းရင်းမြစ်များ

Uluaki tosi o Sau 20:23

Na pati loa a tagata fakasausau a le sau o Silia kiate ia : Ko le atua o Iselaele ko se atua o mauga ; koia leia na lotou makeke ake ia tatou. Kae ke tou taui latou i le potu tokamalie, ti e tou tio loa pe se tou makeke ake loa ia latou.

Uluaki tosi o Sau 20:28

Na fakafeofi ake loa le tagata a le Atua, o pati ki le sau o Iselaele : Ko leinei le folafola a le Eteleno : Talie kua pati le kau Silia : Ko le Eteleno ko se atua o mauga kae e leaise ko se atua o potu laumalie, e kau tuku loa le kakai toka api lena ki ou lima, ti e kotou iloa loa ko au ko le Eteleno.

Pesalemo 109:17

Na alofa a ia ki le fakamalaia : ke to a ia kiate ia ! Na leaise fiafia a ia i le tapuakina : ke mamao a ia iate ia !

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Numelo 22:41

I le usu, na too loa e Palake a Palaame, ti na fakapale loa e ia a ia ki le mauga ko Pamoti-Paale, o tio loa Palaame mei ai ki se koga o le kakai o Iselaele.

Numelo 22:6

E kau kole atu kiate koe, ke ke au o tuku se malaia ki le kakai leinei, talie e api ake a ia iate au : e lagi feala ai loa ke kau malo iate ia, ti ke kau kapu a ia i loku fenua, talie e kau iloa ko leia e ke tapuaki ki ai e tapuakii loa a ia, ti ko leia e ke tuku ki ai se malaia e malaia loa a ia.

Numelo 23:12

Na tali loa Palaame, o pati : Pe leaise kau tokaga loa o fakasa le nea leia e tuku mai loa e le Eteleno ki loku gutu ?

Numelo 23:14

Na taki loa e ia Palaame ki le faisaga a Sofimi, i le tumutumu o le mauga ko Pisika. Na fakatuu loa e ia ni aletale e fitu, ti na momoli loa e ia se pipi tagata mo se ovi tagata i aluga o aletale taki tasi.

Sosue 24:9

Na tuu ake loa Palaki, vosa o Tesipoli, sau o Moape, o tau ki Iselaele. Ti na kole loa e ia kia Palaami, vosa o Peoli, ke fakamalaia e ia koutou.