Numelo 22:8 - Tosi Tapu

⁸ Na pati loa Palaame kia latou : Ke kotou nonofo i leinei i le pouli, ti e kau tuku atu loa kia koutou se tali, o mulimuli ki le nea leia e soli mai loa kiate au e le Eteleno. Ti na nonofo loa a pule o Moape i le fale o Palaame.

Numelo 22:8 ပူးပေါင်းရင်းမြစ်များ

Uluaki tosi o Sau 13:8

Na pati loa le tagata a le Atua ki le sau : Pe ke soli mai foki kiate au le vaelua o lou fale, e leaise kau ulu loa mo koe. E leaise kau kai loa se pane, ti e leaise kau inu loa se vai i le ganea leinei ;

Uluaki tosi o Sau 22:14

Na tali loa Mikea : E mauli le Eteleno ! E kau fakasa loa le nea leia e tuku mai e le Eteleno kiate au.

Selemia 12:2

Na ke to latou, ti kua lotou tauaka ; E lotou lalasi, e lotou fua ; E ke ofi ki lolatou gutu, Kae e ke mamao i lolatou loto.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Numelo 22:18

Na tali loa Palaame, o pati ki tagata fakasausau a Palake : Pe soli mai foki kiate au e Palake lona fale leia kua apele i le paaga mo le aulo, e leaise feala ke kau fai ia se nea fua e tasi, pe ikiiki ake pe lasi ake i le finegalo o le Eteleno, loku Atua.

Numelo 22:38

Na pati loa Palaame kia Palake : Ko leinei au kua kaku mai kiate koe ! kolea le nea leia e feala loa ke kau fakasa kiate koe ? Talie e kau fakasa ia loa le nea leia e tuku mai loa e le Atua ki loku gutu.

Numelo 22:7

Na ano loa le kau matua o Moape, mo le kau matua o Matiane ki le fale o Palaame, mo ni nea alofa ke totogi ai le tagata fai tutuku. Na lotou kaku loa ki lona fale, ti na lotou fakasa loa kiate ia a masau fuli a Palake.

Numelo 22:9

Na nake loa le Atua kia Palaame, o pati : Ko ai ma tagata ana e nonofo i lou fale ?

Numelo 23:12

Na tali loa Palaame, o pati : Pe leaise kau tokaga loa o fakasa le nea leia e tuku mai loa e le Eteleno ki loku gutu ?

Numelo 23:3

Na pati loa Palaame kia Palake : Tuu ke ofi ki lau failaulau, ti e kau fakamamao loa : Na saga e au loa le Eteleno o fakafelavei mai kiate au, ti e kau fakasa atu loa kiate koe le folafola leia e tuku mai loa e ia kiate au. Ti na ano loa a ia ki se ganea taualuga.

Numelo 24:13

Pe soli mai foki e Palake kiate au lona fale leia kua apele i le paaga mo le aulo, e leaise kau mafai ia fua le fetogi o se ganea uvikipogi e tasi i fakatotonu a le Eteleno ; e kau fakasa ia loa le nea leia e pati loa ki ai le Eteleno !