Numelo 22:7 - Tosi Tapu

⁷ Na ano loa le kau matua o Moape, mo le kau matua o Matiane ki le fale o Palaame, mo ni nea alofa ke totogi ai le tagata fai tutuku. Na lotou kaku loa ki lona fale, ti na lotou fakasa loa kiate ia a masau fuli a Palake.

Numelo 22:7 ပူးပေါင်းရင်းမြစ်များ

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Esekiele 21:21

Ta ki le fetuu atamai, Ta ki le fetuu sema, Seleta matakakai, Maliu saele lou tumutumu ki potu fuli !

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Numelo 22:8

Na pati loa Palaame kia latou : Ke kotou nonofo i leinei i le pouli, ti e kau tuku atu loa kia koutou se tali, o mulimuli ki le nea leia e soli mai loa kiate au e le Eteleno. Ti na nonofo loa a pule o Moape i le fale o Palaame.

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Numelo 24:1

Na matala loa a Palaame kua malie ki le Eteleno ke tapuaki ki Iselaele ; ti na leaise toe ano loa a ia o afa se puleaki ke toe sa ake ai le Eteleno kiate ia, ofaipe la ake faiaga i mua. Kae na maliu loa ona mata ki le fetuu o le toafa.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Sosue 13:22

Ia latou ala na tamate e fanau a Iselaele ki le seleta, na kau i ai le polofeta ko Palaami, vosa o Peoli.

Lua tosi a Petelo 2:15

Kua lotou tiaki le ala totonu, ti kua lotou sese ; kua lotou muli i le ala o Palaame, ko le vosa o Peole, leia na manako ki le totogi o le agaveli,

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.