Numelo 22:6 - Tosi Tapu

⁶ E kau kole atu kiate koe, ke ke au o tuku se malaia ki le kakai leinei, talie e api ake a ia iate au : e lagi feala ai loa ke kau malo iate ia, ti ke kau kapu a ia i loku fenua, talie e kau iloa ko leia e ke tapuaki ki ai e tapuakii loa a ia, ti ko leia e ke tuku ki ai se malaia e malaia loa a ia.

Numelo 22:6 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Uluaki tosi o Sau 22:13

Na masau loa kiate ia le tagata avelogo leia na ano o afa mai Mikea : Ko leinei, kua kikite e le kau polofeta, ki se gutu e tasi, le nea leia e malie ki le sau ; koia ke tatau lau folafola mo lalatou folafola ! kikite se nea leia e malie !

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Neemia 13:2

o tupu na leaise lotou au ki mua o fanau a Iselaele mo se pane ti mo se vai, kae na lotou totogi ki le paaga a Palaami ke au o tutuku latou ; kae na fetogi loa e lomatou Atua le tutuku ki le tapuaki.

Pesalemo 109:28

Kapau e lotou tutuku au, ko koe, e ke tapuaki loa ; Kapau e lotou malaga ki aluga, e lotou luma loa, Ti e fiafia loa lau tagata fakasausau.

Taagapati 26:2

Ofaipe le manu lele leia e sola, ofaipe le pekapeka leia e lele, E leaise soko foki se fakamalaia sala tupuaga.

Esekiele 13:6

E vaiga alotou tio, ti e loi alatou kikite ; E lotou pati : Na pati le Eteleno ! Kae na leaise kakau fua latou e le Eteleno ; Ti e lotou tuku ke amanaki e soko loa alatou masau.

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Numelo 22:12

Na pati loa le Atua kia Palaame : Ke aua na ke ano loa mo latou ; ke aua na ke tuku ia loa se malaia ki le kakai lena, talie kua kau tapuakii le kakai lena.

Numelo 22:17

Talie e kau soli atu loa kiate koe se fakapale lasi, ti e kau fai loa kiate koe a nea fuli ala e ke pati mai loa kiate au ; e kau kole atu kiate koe, ke ke au, o fakamalaia le kakai leinei.

Numelo 23:13

Na pati loa Palake kiate ia : Toe au loa mo au ki se tasi ake ganea kese, leia e ke tio ai loa ki le kakai katoa o Iselaele, talie i leinei e ke tio fai ki se ga potu o le kakai. Kae mei le ganea loa lena, e ke tuku loa se malaia kiate ia.

Numelo 23:27

Na pati loa Palake kia Palaame : Au loa, e kau ave loa a koe ki se tasi ake ganea kese. Lagi tali loa e le Aliki ke ke tuku ia se malaia ki le kakai leinei mei le ganea lena.

Numelo 24:9

E peluki e ia ona tuli, ti e moe a ia ofaipe se laione tagata, ofaipe se laione fafine : Ko ai e toe fakatuu ia loa a ia ki aluga ? Ke tapuakina leia e tapuaki loa kiate koe, Ti ke malaia leia e fakamalaia loa a koe !

Gaoi 16:16

I lamatou ano ki le ganea faikole, na au loa o fakafetaulaki mai kia matou se taine fakasausau leia na nofo ai se temonio faikikite, ti na lasi ai a koloa na maua e ona pule iate ia, i lana faikikite loi.

Tetelonome 23:4

O tupu na leaise lotou au ki okoutou mua mo se pane mo se vai i le aso leia na kotou fanoga ai i le ala, i le oki o lakotou mavae mei Esipito, kae na lotou totogi paaga Palaami, vosa o Peoli, mei Petoli i Mesopotamia, ke tuku ia se malaia kiate koe.

Sosue 24:9

Na tuu ake loa Palaki, vosa o Tesipoli, sau o Moape, o tau ki Iselaele. Ti na kole loa e ia kia Palaami, vosa o Peoli, ke fakamalaia e ia koutou.

Uluaki tosi a Samuele 17:43

Na pati loa le Filisitini kia Tavite : Pe ko se kuli au ke ke au ai kiate au mo ni laakau ? Ti na tutukui loa e ia Tavite i ona atua,