Numelo 22:38 - Tosi Tapu

³⁸ Na pati loa Palaame kia Palake : Ko leinei au kua kaku mai kiate koe ! kolea le nea leia e feala loa ke kau fakasa kiate koe ? Talie e kau fakasa ia loa le nea leia e tuku mai loa e le Atua ki loku gutu.

Numelo 22:38 ပူးပေါင်းရင်းမြစ်များ

Uluaki tosi o Sau 22:14

Na tali loa Mikea : E mauli le Eteleno ! E kau fakasa loa le nea leia e tuku mai e le Eteleno kiate au.

Uluaki tosi o Sau 22:16

Ti na pati loa le sau kiate ia : Pe tua fia loa laku kole atu kiate koe ke fakasa ata mai kiate au le nea leia e maoki mei le Eteleno ?

Lua tosi o Koloniko 18:13

Na tali loa Mikea : E mauli le Eteleno, e kau fakasa loa le nea leia e fakasa mai loa e loku Atua kiate au.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Esaia 47:12

Soko atu lau fai au fakalaulaakau Ti mo au faitoo fakatemonio, Ala na ke gaoi pakia ki ai mei lou ikiiki ; E lagi feala loa ke ke maua ia latou se nea, E lagi feala loa ke ke makeke ai.

Numelo 22:18

Na tali loa Palaame, o pati ki tagata fakasausau a Palake : Pe soli mai foki kiate au e Palake lona fale leia kua apele i le paaga mo le aulo, e leaise feala ke kau fai ia se nea fua e tasi, pe ikiiki ake pe lasi ake i le finegalo o le Eteleno, loku Atua.

Numelo 22:37

Na pati loa Palake kia Palaame : Pe na leaise kau kakau atu kiate koe ni kakai, o fakaafe mai a koe ke ke au kiate au ? Kolea na leaise ke au ai kiate au ? Pe leaise kau mafai ia lou siki fakaalialiki ki aluga ?

Numelo 22:39

Na ano loa Palaame mo Palake, ti na la kaku loa ki Kiliate-Usoti.

Numelo 22:8

Na pati loa Palaame kia latou : Ke kotou nonofo i leinei i le pouli, ti e kau tuku atu loa kia koutou se tali, o mulimuli ki le nea leia e soli mai loa kiate au e le Eteleno. Ti na nonofo loa a pule o Moape i le fale o Palaame.

Numelo 23:16

Na au loa le Eteleno ki mua o Palaame ; ti na tuku loa e ia ni folafola ki le gutu o Palaame, o pati : Toe liliu kia Palake, ti ke masau loa kiate ia, o pati :

Numelo 23:26

Na tali loa Palaame, o pati kia Palake : Pe na leaise kau fakasa fakatomua atu kiate koe : e kau fai loa a nea fuli ala e pati loa ki ai le Eteleno ?

Numelo 24:13

Pe soli mai foki e Palake kiate au lona fale leia kua apele i le paaga mo le aulo, e leaise kau mafai ia fua le fetogi o se ganea uvikipogi e tasi i fakatotonu a le Eteleno ; e kau fakasa ia loa le nea leia e pati loa ki ai le Eteleno !