Numelo 22:34 - Tosi Tapu

³⁴ Na pati loa Palaame ki le aselo a le Eteleno : Kua kau agasala, talie na leaise kau iloa na ke tuu i oku mua i le ala ; ti ko leinei, kapau e kau fai se nea veli ki ou mata, ti e kau toe liliu loa ki loku kaiga.

Numelo 22:34 ပူးပေါင်းရင်းမြစ်များ

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Uluaki tosi o Koloniko 21:7

Na veli ai le fakatotonu lena ki le Atua, leia na tautea ia loa Iselaele.

Pesalemo 78:34

Ka taai e ia latou ki le mate, na lotou toe afa loa a ia. Na lotou toe liliu loa ki le Atua, o afa lana tokoi ;

Ekesote 9:27

Na kalagai loa e Falaone a Moisese mo Alone, o pati kia laua : I le faiaga loa leinei, kua kau agasala ; E maokioki le Eteleno, kae kua motou agasala, au mo loku kakai.

Taagapati 24:18

Ke aua na tio le Eteleno ki le nea lena, ti ke veli a ia kiate ia, Ti ke aua na fulusi kese e ia lona ita iate ia.

Numelo 11:1

Na lalau loa le kakai ki taliga o le Eteleno, ti na veli loa le nea lena kiate ia. I le logo a le Eteleno ki le nea lena, na mu loa lona sausau ; ti na vela loa le afi o le Eteleno ia latou, o tamate le potupotu o le nofolaga.

Numelo 14:40

Na lotou tutuu ake loa i le mafoata o pale ki le tumutumu o le mauga, o pati : Kua motou agasala ! Kae ko leinei kua motou tokamalie ke motou pale ki le ganea leia na pati ki ai le Eteleno.

Numelo 22:12

Na pati loa le Atua kia Palaame : Ke aua na ke ano loa mo latou ; ke aua na ke tuku ia loa se malaia ki le kakai lena, talie kua kau tapuakii le kakai lena.

Numelo 22:33

Na tio mai le asino fafine kiate au, ti na maafe tua tolu a ia meiate au ; kanapau na leaise maafe a ia meiate au, kua kau tamate loa a koe, kae kau fakamauli loa a ia.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.

Uluaki tosi a Samuele 24:17

I le oki o le masau a Tavite kia Saulo, na pati loa Saulo : Pe ko lou leo totonu ei loku vosa ko Tavite ? Ti na siki ake loa e Saulo lona leo, o tagi.

Uluaki tosi a Samuele 26:21

Na pati loa Saulo : Kua kau agasala ; toe liliu mai, ei loku vosa ko Tavite, talie e leaise kau toe fai loa kiate koe se nea veli, o tupu na mauiga loku mauli ki ou mata i le aso nei. Na kau fai nea ofaipe se tagata valea, ti na kau fai se sala lasi.