Numelo 22:31 - Tosi Tapu

³¹ Na fakamavaa loa e le Eteleno a mata o Palaame, ti na tio loa Palaame ki le aselo a le Eteleno leia na tuu i le ala, mo lana seleta kua kukumi i lona lima ; ti na punou loa Palaame o fakatuu ona mata ki le kele.

Numelo 22:31 ပူးပေါင်းရင်းမြစ်များ

Senesi 21:19

Ti na fakamavaa loa e le Atua ona mata, ti na tio loa a ia ki se sosoni vai ; na ano loa a ia o fakaapele le fagu vai, o fakainu ai le toe.

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Pesalemo 9:20

Eteleno, tuu ki aluga ! Ke aua na malo le tagata ! Ke fakamaau a atu puleaga i ou mua !

Ekesote 34:8

I le lakaga fai lena, na fakamapee loa Moisese ki le kele, o su.

Numelo 22:30

Na pati loa le asino fafine kia Palaame : Pe leaise ko lau asino fafine au, leia na ke ekei tuumau o kaku mai ki le aso nei ? Pe ko se nea leinei na kau fai masani kiate koe ? Ti na tali loa Palaame kiate ia : Leai.

Numelo 24:16

Ko leinei le folafola a leia e logo ki folafola a le Atua, A leia e iloa ia a fakatuutuu loloto a le Taualuga, A leia e tio ki le tio a le Mafimafi, A leia e punou kae mavaa ona mata.

Numelo 24:4

Ko leinei le folafola a le tagata leia e logo ki folafola a le Atua, A leia e tio ki le tio a le Mafimafi, A leia e punou kae mavaa ona mata.

Luka 24:16

Kae na taofi ola mata ke aua na la iloa a ia.

Luka 24:31

Ti na mavaa loa ola mata, ti na la iloa loa a ia ; kae na puli loa a ia mei ola mua.

Soane 18:6

I le pati a Sesu kia latou : Ko au, na lotou solomuli loa o fetekai ki le kele.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?