Numelo 22:23 - Tosi Tapu

²³ Na tio loa le asino fafine ki le aselo a le Eteleno leia na tuu i le ala, mo lana seleta gigila i lona lima ; ti na maafe loa le asino fafine mei le ala, o ano ki le faisaga. Na taai loa e Palaame le asino fafine ke toe nake ki le toleala.

Numelo 22:23 ပူးပေါင်းရင်းမြစ်များ

Lua tosi o Sau 6:17

Ti na faikole loa Eliseo, o pati : Eteleno fakamavaa ona mata, o tupu ke tio a ia. Ti na fakamavaa loa e le Eteleno a mata o le tagata fakasausau, leia na tio loa ki le mauga kua apele i osi mo saliote afi ala kua takatakai ia Eliseo.

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Taniela 10:7

Ko au Taniela, na kau tio toka tasi ki le nea lena, ti ko tagata ala na nonofo mo au na leaise tio ki ai, kae na lotou maua se i lasi, ti na lotou sosola loa o mumuni.

Numelo 22:22

Na malaga loa le sausau o le Atua, o tupu ko le ano a Palaame. Ti na tuu loa le aselo o le Eteleno i le ala, o tali tau kiate ia. Na eke Palaame i lana asino, ti na ano ana tagata fakasausau e toka lua mo ia.

Numelo 22:24

Na toe tuu loa le aselo o le Eteleno i se ga ala lau ikiiki, leia na ano i loto o faisaga vite e lua, i le vasa o kaua fatu e lua.

Gaoi 22:9

Ko latou ala na ano mo au na tio loa ki le malama, kae na leaise lotou logo loa ki le leo o leia na masau mai kiate au.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Lua tosi a Petelo 2:16

kae na valoki a ia o tupu ko lana patigataa : na masau loa se asino fafine gutu mate i se leo o se tagata, o taofi le valea o le polofeta.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.