Numelo 21:7 - Tosi Tapu

⁷ Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Numelo 21:7 ပူးပေါင်းရင်းမြစ်များ

Senesi 20:17

Na faikole loa Apalaamo ki le Atua, ti na fakamauli loa e le Atua a Apimeleke, mo lana avaga ti mo ana fafine fakasausau ; ti na mafai loa ke lotou toe fanaunau.

Senesi 20:7

I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Lua tosi o Sau 13:4

Na tagi loa Soakase ki le Eteleno. Ti na tali loa e le Eteleno lana kole, talie na tio a ia ki le fakapopulai o Iselaele e le sau o Silia,

Sopo 42:10

Na toe fakanofo loa e le Eteleno a Sopo ki lona mauli i mua, i le oki o lana faikole ki ona kaukaunea ; ti na toe soli loa e le Eteleno kia Sopo a nea fuli ala na maua e ia i mua o liuga lua.

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 78:34

Ka taai e ia latou ki le mate, na lotou toe afa loa a ia. Na lotou toe liliu loa ki le Atua, o afa lana tokoi ;

Ekesote 10:17

Kae ke ke fakamolemole mai ki laku agasala i le faiaga leinei ; ti ke kolua kole ki le Eteleno lokoulua Atua, ke fakamamao atu iate au le malaia lasi leinei.

Ekesote 32:11

Na tagi loa Moisese ki le Eteleno, lona Atua, o pati : Eteleno ! kolea e vilo ai loa lou sausau ki lou kakai, leia na ke fakamavae mei le fenua o Esipito ki lou makeke lasi mo lou lima makeke ?

Ekesote 32:30

I leia ake a aso na pati loa Moisese ki le kakai : Kua kotou fai se agasala lasi. E kau pale loa i le lakaga nei ki le Eteleno : e lagi kau maua loa le fakamolemole o lakoutou agasala.

Ekesote 8:28

Kae na toe fakafefeka loa e Falaone lona loto, i le faiaga foki lena, ti na leaise tuku loa e ia ke ano le kakai.

Ekesote 8:4

Na kalagai loa e Falaone a Moisese mo Alone, o pati : Kolua kole ki le Eteleno ke fakamamao a kelenui meiate au mo loku kakai ; ti e kau tuku loa le kakai ke ano o momoli ni sakilifisio ki le Eteleno.

Ekesote 8:8

Ti na mavae loa Moisese mo Alone mei le fale o Falaone. Ti na kalaga loa Moisese ki le Eteleno o uiga mo kelenui ala na tautea ki ai Falaone.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 37:3

Na kakau loa e le sau ko Setesiasi a Sukale, vosa o Selemia, mo Sofoni, vosa o Maasesa, le tagata faisakilifisio, ke ano o pati kia Selemia, le polofeta : Ulufaki matou ki le Eteleno, lotatou Atua.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Numelo 11:2

Na tagi loa le kakai kia Moisese. Ti na faikole loa Moisese ki le Eteleno, ti na mate loa le afi.

Mateo 27:4

o pati : Kua kau agasala i le fakatau o le toto mea. Na lotou tali loa : Kolea lona aoga mai kia matou ? Ko le nea fai lena a au toka tasi !

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Loma 10:1

Fetaina, ko le fakaamu o loku loto ti ko laku kole ki le Atua o uiga mo latou, ke lotou saofaki.

Tetelonome 9:20

Na sausaua veli foki le Eteleno kia Alone, o loto ke maumaui a ia : Kae na kau toe tagi foki o uiga mo Alone i le temi lena.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.