Numelo 21:5 - Tosi Tapu

⁵ ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Numelo 21:5 ပူးပေါင်းရင်းမြစ်များ

Pesalemo 68:6

Ko le tamana o fanau sala matua, ko le tausi o fafine sala avaga, Ko le Atua i lona nofoaga maokioki.

Pesalemo 78:19

Na lotou masau veli loa ki le Atua, Na lotou pati loa : Pe mafai loa e le Atua Ke fakatuu se laupapa kai i le toafa ?

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 15:24

Na gugu loa le kakai kia Moisese, o pati : Kolea ka motou inu loa ?

Ekesote 16:15

Na tio loa fanau a Iselaele ki le nea lena ti na lotou femasauaki loa : Kolea le nea leinei ? talie na leaise lotou iloa pe kolea a ia. Na pati loa Moisese kia latou : Ko le pane leia e soli atu e le Eteleno kia koutou ke kotou kai.

Ekesote 16:31

Na tuku loa e le fale o Iselaele le igoa ko le mane ki le nea kai lena. Na fai a ia pe le fua o le laakau ko le koliate ; na tea a ia, ti na kano a ia ofaipe se fa kato meli.

Taagapati 27:7

Ko leia e makona e takatakafi ia le meli, Kae ko leia e fia kai e pati : e malie nea fuli e kona.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Numelo 11:20

kae i se masina katoa, o kaku ki lana sali mei okoutou pogoisu, ti ke kotou fakalialia loa ki ai, talie na kotou tiaki le Eteleno leia e nofo i loto malie o koutou, talie na kotou tagi i ona mua, o pati : Kolea na tou mavae ai mei Esipito ?

Numelo 16:41

I le apogipogi ake fai, na lalau loa le fakatasi katoa o Iselaele kia Moisese mo Alone, o pati : Ko koulua ala na tamate ia le kakai o le Eteleno.

Numelo 17:12

Na pati loa fanau a Iselaele kia Moisese : Ko leinei, e motou mamate loa, e motou malaia loa, e motou malaia fuli loa !

Uluaki tosi ki le kau Kolinto 10:9

Aua na tou asiasii le Aliki, ofaipe le fai a ni iki o latou, ala na mamate loa i gata.