Numelo 21:29 - Tosi Tapu

²⁹ Malaia kiate koe, Moape ! Kua ke puli noa, kakai o Kemosi ! Kua sosola ou vosa ! Ti kua popula ou taineliki Kia Sioni, sau o le kau Amole.

Numelo 21:29 ပူးပေါင်းရင်းမြစ်များ

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Uluaki tosi o Sau 11:7

Koia na fakatuu loa e Salomone i le mauga leia e agaaga ki Selusalemi se potu taualuga kia Kemosi, le nea fakalialia o le kau Moape, ti mo Moloke, le nea fakalialia o vosa o Amone.

Lua tosi o Sau 23:13

Ti na fakakelekele loa e le sau a ganea taualuga ala na tuu i mua o Selusalemi, i le fetuu atamai o le mauga o le malaia, ala na fakatuu e le sau ko Salomone kia Asetalate, le fakatata fakalialia o le kau Sitone, mo Kemosi, le fakatata fakalialia o le kau Moape, ti mo Milekome, le atua fakalialia o vosa o Amone.

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 16:2

Ofaipe se manu lele e sola, ofaipe ni uviki o se ofaga e i, E fenaaki loa a taineliki o Moape, i le aso leia e lotou fakalaka ai i le Alenone.

Selemia 48:13

E luma loa Moape ki lona atua ko Kemosi, Ofaipe le luma o le fale o Iselaele Ki Petele, leia na fakaapele ia a ia i le fanaki.

Selemia 48:45

I le malu o Eseponi e manavanava latou na sosola kua gagae ; Kae e ulu mai se afi mei Eseponi, Se ula mei loto malie o Sioni, E kai e ia a vakavaka o Moape, Ti mo tumuaki o le ulu o vosa o le maveuveu.

Selemia 48:46

Malaia kiate koe, Moape ! Kua puli le kakai o Kemosi ! Talie kua ave ou vosa ki le popula, Ti mo ou taineliki ki le popula.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Tuifakamaau 11:24

Pe leaise ke maua ia le fenua leia na soli atu kiate koe e lou atua ko Kemosi ? Ti ko matou foki, e tonu ke motou maua ia a nea fuli ala na soli mai kia matou e le Eteleno ko lomatou Atua !