Numelo 21:24 - Tosi Tapu

²⁴ Na tamate loa a ia e Iselaele ki le seleta, ti na too loa e Iselaele lona fenua katoa, mei le Alenone i le potu saute, o kaku ki le Sapoke i le potu noleto, o kaku ki le koiga o fanau a Amone ; talie na fai ki ni a fatu makeke le koiga o le kau Amone.

Numelo 21:24 ပူးပေါင်းရင်းမြစ်များ

Senesi 32:22

Na tuu ake loa a ia i le po lena o too ana avaga e toka lua, mo ana fafine fakasausau e toka lua, ti mo ona toe e kau agafulu tupu tasi, ti na fakalaka loa e ia latou i le liua ko Sapoke.

Neemia 9:22

Na ke soli loa kia latou ni puleaga mo ni kakai, ti na ke vaevae kia latou le fenua, ti na lotou maua loa le fenua o Sione, sau o Eseponi, ti mo le fenua o Oke, sau o Pasani.

Pesalemo 136:19

Sioni, sau o le kau Amole, Talie e lee gato lona manava alofa !

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Numelo 21:13

Na lotou siki loa i lena, ti na lotou nonofo loa i leia atu fetuu o le Alanoni, leia e tafe i le toafa i lana ulu mei le fenua o le kau Amole ; talie ko le Alanoni ko le koiga a ia o Moape, i le vasa o Moape mo le kau Amole.

Tetelonome 1:4

Na fai loa le nea lena i le oki o le malo a Moisese ia Sioni, sau o le kau Amole, leia na nofo i Eseponi, mo Oki, sau o Pasani, leia na nofo i Asetaloti mo Etelei.

Tetelonome 29:7

Na kotou kaku mai loa ki le ganea leinei ; ti na au loa Sioni, sau o Eseponi, mo Oki, sau o Pasani, o fakafelavei mai kia tatou ke taui tatou, kae na tou malo loa ia latou.

Tetelonome 3:16

Ki vosa o Lupeni mo Kate, na kau soli loa kia latou le tasi a koga o Kalaate, o kaku ki le liua o Alenone, leia na koiga o kaku ki le liua o Sapoke, koiga o le kau Amone.

Tetelonome 31:4

E fai loa e le Eteleno ki puleaga ana le nea leia na fai e ia kia Sioni mo Oki, sau o le kau Amole, ala na maumaui e ia mo lolatou fenua.

Tetelonome 4:46

Na fai loa le nea lena i le fetuu esite o le Solotane, i le vaivailiua, i mua o Pete-Peoli, i le fenua o Sioni, sau o le kau Amole, leia na nofo i Eseponi ti na tamate e Moisese mo fanau a Iselaele.

Sosue 13:12

mo le puleaga o Oki i Pasani, leia na sau i Asataloti ti mo Etelei, leia na kau ki le kau tagata lalasi fakamuli o le kau Lefaimi. Na tamate e Moisese a sau ana, ti na kapu loa e ia latou.

Sosue 24:8

Na kau taki loa koutou ki le fenua o le kau Amole, leia na nofo i le fetuu esite o Solotane, ti na lotou tau loa kia koutou. Kae na kau tuku loa latou ki okoutou lima, ti na kotou too loa lolatou fenua, ti na kau maumaui loa latou i okoutou mua.

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.

Tuifakamaau 10:11

Na pati loa le Eteleno ki fanau a Iselaele : Pe na leaise kau saofaki loa koutou mei le kau Esipito, mo le kau Amole, mo vosa o Amone, mo le kau Filisitini ?

Tuifakamaau 11:13

Na tali loa le sau o vosa o Amone ki tagata avelogo a Sefete : Talie na too loa loku fenua e Iselaele, i le aso leia na mavae ai a ia i Esipito, mei Alenone o kaku ki Sapoke mo le Solotane. Ke ke toe tuku mai a ia kiate au i le aso nei mo le loto malie.

Tuifakamaau 21:8

Ti na lotou pati loa : Pe e i ai se famili i faasiga o Iselaele leia na leaise pale loa ki mua o le Eteleno i Misipa ? Ti ko leinei, na leaise pale loa se tasi o Sapesi i Kalaate ki le fakatasiga.