Numelo 20:8 - Tosi Tapu

⁸ Ke ke too lou tokotoko, ti ke ke tanaki le fakatasi, e koe mo lou taina ko Alone. E kolua masau loa i olatou mua ki le utu leinei, ti e soli atu loa e ia ona vai ; e ke fakamapuna loa kia latou se vai mei le utu, ti e ke fakainu loa ki le vai le kakai mo manu.

Numelo 20:8 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Pesalemo 105:41

Na fakamavaa loa e ia le utu, ke sali mei ai le vai ; Ti na tafe loa le vai ofaipe se vaitafe i ganea malo.

Pesalemo 114:8

Leia e fetogi ia le utu ko se tanakiaga vai, Le utu fefeka ko se matapuna vai.

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 17:9

Ti na pati loa Moisese kia Sosue : Filifili se kau tagata, ti ke ano o taui Amaleke ; i apogipogi e kau tuu loa i le tumutumu o le mauga mo le tokotoko o le Atua i loku lima.

Ekesote 4:17

Too i lou lima le tokotoko lena, leia e ke fai loa ki ai a fakamailoga.

Ekesote 4:2

Ti na pati loa le Eteleno kiate ia : Kolea i lou lima ? Ti na tali loa a ia : Ko se tokotoko.

Ekesote 4:20

Na too loa e Moisese lona avaga mo ona vosa, o fakaeke latou ki ni asino, ti na toe liliu loa a ia ki le fenua o Esipito. Na too loa e ia i lona lima le tokotoko o le Atua.

Ekesote 7:20

Na fai loa e Moisese mo Alone le nea leia na fakatotonu e le Eteleno. Na siki loa e Alone lona tokotoko, ti na taai loa e ia le vai o le vaitafe i mua o Falaone mo ana tagata fakasausau ; ti na liliu loa o toto le vai katoa o le vaitafe.

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Numelo 20:11

Ti na siki loa e Moisese lona lima, ti na taai tua lua loa e ia le utu ki lona tokotoko. Na sali loa se vai lasi. Na inu loa le kakai mo manu.

Numelo 20:7

Na masau loa le Eteleno kia Moisese, o pati :

Numelo 21:15

ti mo magai liua makeke, ala e tafe ki le fetuu o Ali, o tau ki le koiga o Moape.

Numelo 21:18

Sosoni, na kenu koutou e ni kau aliki ! Na kenu koutou e ni kau lalasi o le kakai, Ki le tokotoko pule, ki alatou laakau pule !

Mateo 21:21

Na tali loa Sesu kia latou : E kau pati maoki atu kia koutou, kapau e kotou maua le tui ti e leaise kotou toe lotolotolua fua, e leaise kotou fai fua le nea leinei kua fai ki le fiki nei, kae ka kotou pati loa ki le mauga leinei : Mavae i lena, o ano ki le tai, ti e soko loa le nea a ia.

Luka 11:13

Kapau loa, ko koutou, ala ko nea agaveli, e kotou poto i le soli o nea malilie ki akoutou fanau, pe feaki ake loa le lasi o le fia soli e le Tamana i Selo o le Laumalie Maokioki kia latou ala e kole ake ia kiate ia.

Soane 16:24

O kaku mai ki le lakaga nei, na leaise kotou kole fua se nea i loku suafa. Kotou kole, ti e kotou tali loa, o tupu ke katoa lokoutou fiafia.

Gaoi 1:14

Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.

Sosue 6:20

Na pupusi loa a fakatagi pupusi o fakaloaloa, ti ko le kakai na logo loa ki tagi fakaloaloa o fakatagi pupusi. I le temi lena, na fakamapa loa e le kakai se kalaga tau makeke, ti na siga loa le kaua takai o le kolo ki lalo. Ti na pale loa le kakai ki le kolo, o tasi ano fakasako i ona mua. Ti na lotou too loa le kolo.

Sosue 6:5

Ka kaku loa ki le temi leia e lotou pupusi ai loa se nota fakaloaloa, e fakamapa loa e le kakai se kalaga tau ti e sosolo loa a kaua o le kolo ki lalo. Ti ke pale loa a fanau a Iselaele ki le kolo, o tasi ano fakasako i ona mua.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.