Numelo 20:6 - Tosi Tapu

⁶ Na fakamamao loa Moisese mo Alone mei le kakai, o ano ki le uluaga o le falela tapu. Ti na la fakapulou loa ola mata ki le kele ; ti na sa loa le kololia o le Eteleno kia latou.

Numelo 20:6 ပူးပေါင်းရင်းမြစ်များ

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 17:4

Na tagi loa Moisese ki le Eteleno, o pati : Kolea e kau fai loa ki le kakai leinei ? Koi toe fua le ganea ikiiki, ti lotou tuki fatui loa au.

Numelo 12:5

Na ifo loa le Eteleno i le pou ao, ti na tuu loa a ia i le uluaga o le falela tapu. Na kalagai loa e ia Alone mo Miliamu ala na fakafeofi toka lua ake loa kiate ia.

Numelo 14:10

Na masau loa le kakai katoa ke tuki fatui laua ke mate, kae fokifa kua sa le kololia o le Eteleno i aluga o le falela tapu, i mua o fanau fuli o Iselaele.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 16:19

Ti na fakatasii ake loa e Kole le fakatasi katoa kia Moisese mo Alone, i le uluaga o le falela tapu. Ti na sa loa le kololia o le Eteleno ki le fakatasi katoa.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 16:4

I le logo a Moisese ki le nea lena na fakavilo loa a ia o fakapulou ona mata i le kele.

Numelo 16:42

Na lolotoga tanaki ake loa le fakatasi katoa kia Moisese mo Alone, ti na lotou maliu loa o agaaga ki le fetuu o le falela tapu, ti na lotou tio loa kua kofu katoa a ia e le ao, ti na sa loa le kololia o le Eteleno.

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Numelo 20:7

Na masau loa le Eteleno kia Moisese, o pati :

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.