Numelo 20:5 - Tosi Tapu

⁵ Kolea na kolua fakapale mai ai matou mei Esipito, ke motou au ki le ganea veli leinei ? E leaise ko se fenua leinei e feala ke to ai ni magiti ; e leaise maua fua se ga tafito fiki, pe ko se ga tafito vite, pe ko se ga tafito kelenati, ti e leaise maua fua se ga vai ke inu.

Numelo 20:5 ပူးပေါင်းရင်းမြစ်များ

Neemia 9:21

Na ke tokaga kia latou i fetuu e kau fa i le toafa, ti na leaise puli fua se nea kia latou, ti na leaise popo fua olatou kofu, ti na leaise veveli fua olatou vae.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Esekiele 20:36

Ofaipe laku fakatuaa okoutou tamana i le toafa o le fenua o Esipito, e kau fakatuaa loa koutou, e folafola, le Aliki, le Eteleno.

Numelo 16:14

Ti e leaise ko se fenua leia e tafe ai le sua manu mo le sua meli na ke taki matou ki ai, ti e leaise ko ni faisaga magiti mo ni faisaga vite ala na ke soli mai kia matou. Pe ke masalo e kivi a mata o le kakai leinei ? E leaise ma pale atu loa !

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 27:14

talie na kolua agatuu ki laku fakatotonu, i le toafa o Sini, i le aso leia na fakatupu fefele ai le kakai kiate au : Na leaise kolua fakasa loku maokioki i mata o fanau a Iselaele, i le aso leia na lotou tagi ai ki se vai. Ko vai ana o Melipa, vai o fefele, i Katesi, i le toafa o Sini.

Tetelonome 8:15

leia na fakasaele ia a koe i le toafa lasi leinei mo fakaii, leia e maua ai a gata kona, mo sekolopio, mo le laaina, mo le malo ; leia na fakasali ia kiate koe se vai mei le utu fefeka ;