Numelo 20:20 - Tosi Tapu

²⁰ Na tali loa Etome : E leaise ke fakalaka loa ! Ti na ano loa Etome kiate ia mo se kakai toka api mo makeke.

Numelo 20:20 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 32:6

Na toe liliu ake loa a tagata avelogo kia Sakopo, o pati : Na motou ano o fakafelavei ki lou taina ko Esau ; ti ko leinei kua saele mai a ia kiate koe mo tagata e tino lelau fa.

Pesalemo 120:7

E kau loto ki le tokamalie ; kae kapau e kau masau ki le tokamalie, E lotou loto ki le tau.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Numelo 20:18

Na pati loa Etome kiate ia : E leaise ke fakalaka loa i loku fenua ! talie e kau lusi loa mo le seleta kiate koe !

Numelo 20:21

I le nea lena na leaise tali loa e Etome ke fakalaka Iselaele i lona fenua. Ti na maliu kese loa Iselaele iate ia.

Tuifakamaau 11:17

Ti na kakau loa e Iselaele ni tagata avelogo ki le sau o Etome, o pati kiate ia : Fakataga mai kiate au ke kau fakalaka i lou fenua. Kae na leaise tali loa e le sau o Etome. Na toe kakau foki e Iselaele ni iki ake tagata avelogo ki le sau o Moape, kae na leaise tali e ia.

Tuifakamaau 11:20

Kae na leaise fanaki loa Sioni kia Iselaele o tuku a ia ke fakalaka i lona fenua ; ti na fakatasii loa e Sioni lona kakai katoa i Saatesi o taui Iselaele.