Numelo 20:14 - Tosi Tapu

¹⁴ Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Numelo 20:14 ပူးပေါင်းရင်းမြစ်များ

Senesi 25:23

Ti na pati loa le Eteleno kiate ia : E nofo ni puleaga e lua i lou manava, ti e mavae loa ni kakai e lua mei lou manava, o tasi mo ia lana aga, ti e makeke ake loa se tasi i le tasi. Ti e fakasausau loa le uluaki ki le muli.

Senesi 25:25

Na mavae ake loa le uluaki kua mea katoa a ia, ofaipe se taupulupulu fulufulu : ti na soli loa kiate ia le igoa ko Esau.

Senesi 25:26

Ti na vilo ake loa lona taina, leia na kukumi e lona lima le mulivae o Esau ; ti na soli loa kiate ia le igoa ko Sakopo. Na fetuu kau ono Isaake i le aso leia na la tupu ai.

Senesi 32:29

Ti na vesili loa Sakopo kiate ia : E kau kole atu kiate koe, fakasa mai kiate au lou igoa. Na tali loa le tagata : Kolea e ke afa mai ai loku igoa ? Ti na tapuaki loa a ia kia Sakopo i le ganea lena.

Ekesote 18:8

Na fakamatala loa e Moisese ki lona tamana a nea fuli ala na fai e le Eteleno kia Falaone mo Esipito o tupu ko Iselaele, a mamae fuli ala na soko kia latou i le ala, ti mo lolatou fakamauli e le Eteleno.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Malakia 1:2

Na kau alofa kia koutou, e pati le Eteleno. Kae e kotou pati : Kolea le nea leia na ke alofa ai kia matou ? Pe leaise ko le taina o Esau ko Sakopo ? e pati le Eteleno. Kae na kau alofa kia Sakopo,

Numelo 13:26

I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.

Numelo 20:15

Na ifo omatou tamana ki Esipito, ti na motou nonofo i ai o fualoa. Kae na fakavelivelii matou e le kau Esipito ti mo omatou tamana.

Numelo 20:22

Na mavae loa le kakai katoa o Iselaele i Katesi, o ano ki le mauga o Ola.

Tetelonome 23:7

Ke aua na ke vesia loa ki le Etome, talie ko lou taina ; ke aua na ke vesia loa ki le Esipito, talie na ke nofo matapule i lona fenua :

Sosue 2:10

Talie kua motou logo na fakamasa e le Eteleno i okoutou mua a vai o le tai Kula, i le aso leia na kotou mavae ai i Esipito, ti mo le nea leia na kotou fai ki sau e lua o le kau Amole, ko Sioni mo Oki, ala na nonofo i le kauvai esite o le Solotane ti na kotou tamate.

Sosue 2:9

ti na pati loa a ia ki le sa tagata : E kau iloa kua tuku atu e le Eteleno kia koutou le fenua leinei ; ti kua vilo kia matou le i kia koutou, ti kua loto gaegae le kakai fuli o le fenua leinei, o tupu ko koutou.

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.

Sosue 9:9

Na lotou tali loa kiate ia : e au au tagata fakasausau mei se fenua mamao ai i le logo ki le logologona o le Eteleno lou Atua ; talie na motou logo masau kiate ia, ki nea fuli ala na fai e ia i Esipito,