Numelo 19:20 - Tosi Tapu

²⁰ Ko se tagata leia e kelekele loa, ti e leaise fakamea loa i le vai, e tuuti loa a ia mei loto malie o le fakatasi, talie kua fakakelekele e ia le sagatualio o le Eteleno. Talie na leaise afusi kiate ia le vai fakamea, e kelekele loa a ia.

Numelo 19:20 ပူးပေါင်းရင်းမြစ်များ

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Levitiko 15:31

Kolua fakamamao mei le sagatualio le kakai o Iselaele mo ka e lotou kelekele ; ti e leaise lotou mamate loa o tupu ko le fakakelekele o loku nofoaga leia e tuu i loto malie o latou.

Levitiko 17:16

Ti kapau e leaise fo loa e ia ona kofu, ti e leaise maanu loa a ia, ti e agasala loa a ia.

Levitiko 22:4

Ko tagata fuli o le faasiga o Alone, leia e maua ia loa le kilia pe ko se masaki fakatagata, e leaise kai loa e ia a nea tapu o kaku ki lona mea. E toe tatau ki leia e lave loa ki se tasi leia kua kelekele i se mate, pe ko leia na sali lona sua vai fakatagata i le pouli,

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Numelo 19:13

Ko leia e lave loa ki se mate, ki le tino o se tagata leia e mate loa, kae leaise fakamea loa a ia, e fakakelekele loa e ia le tapenakulo o le Eteleno ; e tuuti loa a ia mei Iselaele. Talie na leaise afusi kiate ia le vai fakamea, e kelekele a ia, talie koi nofo lona kelekele iate ia.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.