Numelo 19:19 - Tosi Tapu

¹⁹ E fai loa e leia e mea le afusi o leia e kelekele, i le tolu o aso mo le fitu o aso, ti e mea loa a ia i le fitu o aso. E fakamea loa e ia ona kofu, ti e maanu katoa loa a ia i le vai ; ti e mea loa a ia i le afiafi.

Numelo 19:19 ပူးပေါင်းရင်းမြစ်များ

Senesi 2:2

Na fakaoki loa e le Atua lana gaoi i le fitu o aso, ti na malolo loa a ia i ana gaoi fuli ala na fai e ia.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Levitiko 14:7

Ti e fai loa e ia ni afusi e fitu ki le tagata leia e tonu ke fakamea i lona kilia. Ti e fakasa loa e ia kua mea le tagata lena, ti e tuku loa e ia le manu lele mauli ke ano ki le aloalo o le fenua.

Levitiko 14:9

I le fitu o aso, e toe tele loa e ia ona fului ulu, mo lona kaukava, mo ona tua mata, ti mo ona fulu fuli, ti e toe fo loa e ia ona kofu, ti e toe maanu loa a ia ke mea, ti o mea loa a ia.

Numelo 19:12

I le tolu o aso mo le fitu o aso, e fakamea loa a ia ki le vai lena, ti e mea loa a ia ; kae, kapau e leaise fakamea loa a ia i le tolu o aso mo le fitu o aso, e leaise mea loa a ia.

Numelo 19:13

Ko leia e lave loa ki se mate, ki le tino o se tagata leia e mate loa, kae leaise fakamea loa a ia, e fakakelekele loa e ia le tapenakulo o le Eteleno ; e tuuti loa a ia mei Iselaele. Talie na leaise afusi kiate ia le vai fakamea, e kelekele a ia, talie koi nofo lona kelekele iate ia.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Numelo 31:19

Ti ko koutou, ke kotou nonofo i fafo o le nofolaga i ni aso e fitu ; ko latou fuli ala na tamate ia se tagata, mo latou fuli ala na lave ki se mate, e fakamea loa i le tolu o aso mo le fitu o aso, latou mo alatou kau pilisoni.

Numelo 31:24

E kotou fakamea loa okoutou kofu i le fitu o aso, ti e kotou mea loa ; ti e feala loa ke kotou ulu ki le nofolaga.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.