Numelo 19:15 - Tosi Tapu

¹⁵ Ko ipu fuli ala e tuku mavaa, ala e leaise teki i ai se tapono leia kua sai, e kelekele loa.

Numelo 19:15 ပူးပေါင်းရင်းမြစ်များ

Levitiko 11:32

Ko nea fuli ala e vilo loa ki ai se manu mate, ofaipe se ipu laakau, pe se kofu, pe se kilii manu, pe se kete, pe se kulo, e kelekele loa a ia o kaku ki le afiafi, ti o toe mea loa a ia.

Levitiko 11:33

Ko nea fuli ala e tuku i se ipu kele leia na vilo loa ki ai se nea kelekele, e kelekele loa, ti e tonu ke kotou maumaui loa le ipu kele.

Levitiko 14:36

Ti e fakatotonu loa e le tagata faisakilifisio ke fakalauatea le fale lena i mua o lana ulu ki ai o tioi le sekaseka ; e fai loa le nea lena o tupu ke aua na kelekele loa a nea fuli ala e tuku i loto o le fale. Ti ka oki, e ulu loa le tagata faisakilifisio ki le fale o tioi a ia.

Numelo 19:14

Ko leinei le lao : Ka mate loa se tagata i se falela, ko leia e ulu loa ki le falela lena, mo leia e nofo loa i ai, e kelekele loa.

Numelo 19:16

Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Numelo 31:20

Ke kotou fakamea foki a kofu fuli, mo nea fuli ala e fai ki le kilii manu, mo nea fuli ala e fai ki le fului koti, mo nea fuli ala e fai ki le laakau.