Numelo 19:13 - Tosi Tapu

¹³ Ko leia e lave loa ki se mate, ki le tino o se tagata leia e mate loa, kae leaise fakamea loa a ia, e fakakelekele loa e ia le tapenakulo o le Eteleno ; e tuuti loa a ia mei Iselaele. Talie na leaise afusi kiate ia le vai fakamea, e kelekele a ia, talie koi nofo lona kelekele iate ia.

Numelo 19:13 ပူးပေါင်းရင်းမြစ်များ

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Esekiele 44:26

I le oki o lona fakamea, e nofo loa a ia i aso e fitu, e leaise tausi loa a ia i le fale tapu.

Levitiko 15:31

Kolua fakamamao mei le sagatualio le kakai o Iselaele mo ka e lotou kelekele ; ti e leaise lotou mamate loa o tupu ko le fakakelekele o loku nofoaga leia e tuu i loto malie o latou.

Levitiko 20:3

Ti ko au, e kau tagaki loa oku mata ki le tagata lena ti e kau tuuti loa a ia mei lona kakai, talie kua momoli e ia lana fanau kia Moloke, ti kua fakakelekele e ia loku sagatualio, ti kua fakamatagafua e ia loku suafa tapu.

Levitiko 22:3

Pati kia latou : Ko tagata fuli i okoutou tautupu mo okoutou sakoga, leia e fakafeofi loa ki nea tapu ala kua fakatapui kiate au e fanau a Iselaele, kae maua loa iate ia se kelekele, e tuuti loa a ia mei oku mua. Ko au ko le Eteleno.

Levitiko 22:4

Ko tagata fuli o le faasiga o Alone, leia e maua ia loa le kilia pe ko se masaki fakatagata, e leaise kai loa e ia a nea tapu o kaku ki lona mea. E toe tatau ki leia e lave loa ki se tasi leia kua kelekele i se mate, pe ko leia na sali lona sua vai fakatagata i le pouli,

Levitiko 5:17

Kapau e fai loa e se tagata, i lona loto noa, se nea leia na tapui e se folafola a le Eteleno, ti e agasala loa a ia, o visia i lana agasala.

Levitiko 5:3

Kapau na lave se tagata ki se tasi leia e nofo mo se masaki kelekele leia e kava, kae na leaise iloa e ia i le temi lena ; ti kapau e iloa loa e ia a ia ki muli mai, e agasala loa a ia i le nea lena.

Levitiko 5:6

Ti e momoli loa e ia ki le Eteleno, o uiga mo lana agasala, se manu ikiiki fafine, se ovi fafine pe ko se koti fafine, ke fai ai se sakilifisio ki le agasala. Ti e fai loa e le tagata faisakilifisio kiate ia le fakamolemole o lana agasala.

Levitiko 7:20

Ti kapau e kai loa se tagata kelekele ki le sakilifisio komunio leia na momoli ki le Eteleno, e motusi loa le tagata lena mei lona kakai.

Levitiko 7:21

Ti e tatau foki ki le tagata leia e lave loa ki se tasi leia e kelekele, pe ko se manu leia e kelekele, pe ko se nea leia e kelekele : e motusi loa a ia mei lona kakai.

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Numelo 19:14

Ko leinei le lao : Ka mate loa se tagata i se falela, ko leia e ulu loa ki le falela lena, mo leia e nofo loa i ai, e kelekele loa.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Numelo 19:19

E fai loa e leia e mea le afusi o leia e kelekele, i le tolu o aso mo le fitu o aso, ti e mea loa a ia i le fitu o aso. E fakamea loa e ia ona kofu, ti e maanu katoa loa a ia i le vai ; ti e mea loa a ia i le afiafi.

Numelo 19:20

Ko se tagata leia e kelekele loa, ti e leaise fakamea loa i le vai, e tuuti loa a ia mei loto malie o le fakatasi, talie kua fakakelekele e ia le sagatualio o le Eteleno. Talie na leaise afusi kiate ia le vai fakamea, e kelekele loa a ia.

Numelo 19:9

E tanaki loa e se tagata mea le mugalafu o le pipi fafine, ti e ave loa e ia a ia ki se ganea mea i fafo o le nofolaga ; e taupau loa a ia ki le fakatasi o fanau a Iselaele, ke fai ai le vai o le fakamea. Ko se vai a ia o le fakamalie.

Numelo 8:7

Ko leinei le nea leia ke ke fai loa ke fakamea ai latou. E ke fai loa kia latou se afusi ki le vai o le fakamea ; e lotou tele loa a fulu i olatou kuaga katoa ti e lotou fo loa olatou kofu, ti e lotou mea loa.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !