Numelo 18:7 - Tosi Tapu

⁷ Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 18:7 ပူးပေါင်းရင်းမြစ်များ

Pesalemo 115:10

Fale o Alone, fanaki ki le Eteleno ! Ko ia ko lolatou tokoi mo lolatou paletau.

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 29:9

E ke toi loa se kilii pipi kia Alone mo ona vosa, ti e ke fakapiki loa a puloga tea ki ulu o vosa o Alone. E lotou maua loa le gaoi fakapelepitelo, ti ko se lao lena ke tuu mau ki tautupu mo tautupu. Ti e ke fakanofo loa Alone mo ona vosa ke tagata faisakilifisio.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Esekiele 44:16

E lotou ulu loa ki loku sagatualio, ti e lotou fakafeofi mai loa ki loku laupapa o tausi kiate au, io, e lotou tausi loa kiate au.

Esekiele 44:8

Na leaise kotou fai le tausi o loku sagatualio, kae na kotou tuku ke lotou fetogi koutou i le fai o le tausi i loku fale tapu.

Levitiko 16:2

Na pati loa le Eteleno kia Moisese : Masau ki lou taina ko Alone, ke aua na ulu fakalaluvale ki le sagatualio, ki leia atu fetuu o le lito tapono, leia e tuku ai le aleka mo lona tapono tapu ; talie e kau sa loa i ai i le ao, i aluga o le tapono tapu o le aleka, ti e feala loa ke mate ai a ia.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Numelo 1:51

Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate.

Numelo 16:40

Ko se fakamanatu a ia ki fanau a Iselaele, o tupu ke aua na fakafeofi se tasi leia e leaise kau ki le sakoga o Alone, o momoli se kaloni i mua o le Eteleno, ti ke aua na fai loa a ia pe Kole mo lona kakai, o mulimuli ki le nea leia na fakasa e le Eteleno ia Moisese.

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 18:3

E lotou fai loa le nea leia e ke fakatotonu loa kia latou ti mo le tausi o le falela tapu katoa ; kae e leaise lotou fakafeofi loa ki nea gaoi o le sagatualio, na kotou mamate loa, latou mo koutou.

Numelo 3:10

E ke fakanofo loa Alone mo ona vosa ke fai ia le gaoi o le tagata faisakilifisio lasi. Ti kapau e fakafeofi loa se tagata kese ki ai, ti e tautea loa a ia ki le mate.

Numelo 3:38

Na nofo loa Moisese, mo Alone ti mo ona vosa i mua o le uluaga o le falela tapu, i le potu esite. Na lotou tokaga ki le taupau mo le tausi o le sagatualio, i le igoa o fanau a Iselaele ; ti e tautea loa ki le mate a tagata kese fuli ala e fakafeofi loa ki ai.

Mateo 10:8

Kotou fakamauli le kau masaki, kotou fakatuuake le kau mate, kotou fakamea le kau kilia, kotou kapu a temonio. Na kotou tali sala totogi, ti kotou soli sala totogi.

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Tetelonome 18:2

E leaise lotou maua loa se tofiga i loto malie o olatou fetaina : ko le Eteleno ko lolatou tofiga a ia, o fai ki lana fakasa kia latou.

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Sosue 18:7

Kae e leaise maua loa se tofiga ki le kau Levi i loto malie o koutou, talie ko lolatou tofiga ko le tuulaga fakapelepitelo a le Eteleno ; ti ko Kate, mo Lupeni ti mo le vaelua o le faasiga o Manase kua maua olatou tofiga i le fetuu esite o le Solotane : na soli e Moisese, tagata fakasausau o le Eteleno, olatou tofiga kia latou.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Uluaki tosi a Petelo 5:3

o leaise kotou faipe ni kau pule kia latou ala kua tuku atu ke kotou tokaga ki ai, kae ke kotou liliu ko ni faifaitakiaga ki le kau ovi.

Uluaki tosi a Samuele 2:28

Na kau filifili a ia i faasiga fuli o Iselaele, ke tausi kiate au i le tuulaga fakapelepitelo, ke pale ki loku aletale, ke tutu ia le kaloni, ke tui ia le efote i oku mua ; ti na kau soli ki le fale o lou tamana a sakilifisio fuli kua tutu e le afi ti kua momoli e fanau a Iselaele.