Numelo 18:4 - Tosi Tapu

⁴ E lotou tokoi loa kia koutou, ti e lotou tokaga loa ki le tausi o le falela tapu mo gaoi fuli ala e tonu ke fai i le falela tapu. E leaise fakafeofi loa se tagata kese kia koutou.

Numelo 18:4 ပူးပေါင်းရင်းမြစ်များ

Esekiele 44:14

E kau tuku loa kia latou le leoleo o le fale tapu, ti e lotou fai loa lona tausi katoa mo nea fuli ala e tonu ke fai i ai.

Numelo 1:51

Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 18:3

E lotou fai loa le nea leia e ke fakatotonu loa kia latou ti mo le tausi o le falela tapu katoa ; kae e leaise lotou fakafeofi loa ki nea gaoi o le sagatualio, na kotou mamate loa, latou mo koutou.

Numelo 18:5

E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Numelo 3:10

E ke fakanofo loa Alone mo ona vosa ke fai ia le gaoi o le tagata faisakilifisio lasi. Ti kapau e fakafeofi loa se tagata kese ki ai, ti e tautea loa a ia ki le mate.

Numelo 31:30

I le vaega leia e soli ki fanau a Iselaele, e ke taofi loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti. Ti ke tuku loa le vaega lena ki le kau Levi, ala e tokaga ki le falela tapu o le Eteleno.

Numelo 8:26

E tokoi loa a ia ki ona fetaina i le falela tapu, o taupau a nea ala kua tuku ke lotou tokaga ki ai ; kae e leaise toe fai loa e ia se tausi. E ke fai fenaaki loa ki le kau Levi o uiga mo alatou gaoi.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.