Numelo 18:32 - Tosi Tapu

³² E leaise kotou amo loa i ai se agasala e tasi, mo ka kua kotou too loa i ai le vaega malie tukupau, e leaise kotou fakakelekele loa a moliga tapu o fanau a Iselaele, ti e leaise kotou mamate loa.

Numelo 18:32 ပူးပေါင်းရင်းမြစ်များ

Ekesote 28:43

E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Levitiko 19:8

Ti ko leia e kai loa ki ai e agasala loa, talie kua maumaui e ia le nea tapu a le Eteleno. E tuuti loa a ia mei lona kakai.

Levitiko 22:2

Masau kia Alone mo ona vosa ke lotou fakaapaapa ki nea tapu ala kua momoli mai kiate au e fanau a Iselaele, ti ke aua na lotou fakakelekele loku suafa tapu. Ko au ko le Eteleno.

Malakia 1:7

E kotou momoli i loku aletale ni nea kai kelekele, Ti e kotou pati : Kolea le nea leia na motou fakanoai ai a koe ? Se tupu na kotou pati : E noa le laupapa o le Eteleno !

Numelo 18:22

Ke aua na toe fakafeofi loa fanau a Iselaele ki le falela tapu, talie na lotou maua loa i se agasala ti ke lotou mamate loa.

Numelo 18:31

E kotou kai loa a ia i ganea fuli, e koutou mo okoutou famili ; talie ko lokoutou totogi a ia ki le tausi leia e kotou fai i le falela tapu.

Numelo 19:1

Na masau loa le Eteleno kia Moisese mo Alone, o pati :

Uluaki tosi ki le kau Kolinto 11:27

Koia ko leia e kai ia loa le pane mo inu ia loa le ipu o le Aliki, mo se lee fakaapaapa, e sala loa a ia ki le tino mo le toto o le Aliki.

Uluaki tosi ki le kau Kolinto 11:29

talie ko leia e kai mo inu kae e leaise fakaapaapa a ia ki le tino o le Aliki, e kai mo inu e ia se malaia kiate ia totonu.