Numelo 18:21 - Tosi Tapu

²¹ E kau soli ki vosa o Levi ofaipe se tofiga a vaega kau agafulu fuli i Iselaele, ki le tausi leia e lotou fai, le tausi o le falela tapu.

Numelo 18:21 ပူးပေါင်းရင်းမြစ်များ

Senesi 14:20

Ke tapusa le Atua Taualuga, leia kua tuku ia ou fili ki ou lima ! Ti na soli loa e Apalamo kiate ia le vaega kau agafulu o nea fuli.

Senesi 47:24

Kae i le temi tanaki o le fulumeto, e kotou soli loa kia Falaone le vaega lima o le fulumeto. E fakalogo loa ala ake vaega e fa kia koutou, ke to ai akoutou faisaga, ti ke fagai ai akoutou fanau mo latou fuli ala e nofo i okoutou fale.

Senesi 47:26

Na fakatuu loa e Sosefo le nea lena ko se lao o kaku mai ki le aso nei : E soli loa le vaega lima o fua o le kele kia Falaone. Na gato fai ki kele o le kau pelepitelo na leaise maua loa e Falaone.

Lua tosi o Koloniko 31:12

Na aumai totonu loa ki ai a moliga, mo le vaega kau agafulu, mo nea taputapu. Na pule loa ki ai le Levi ko Konania, ti na tokoi kiate ia lona taina ko Simeli.

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Neemia 10:37

ke aumai ki le kau tagata faisakilifisio, ki kogafale o le fale o lomatou Atua, a uluaki fua o lamatou falina kua lusi ti mo amatou moliga o laakau fua fuli, mo le vino, mo le lolo ; ti ke soli le vaega kau agafulu o lomatou kele ki le kau Levi, ti e tonu ke lotou too le vaega lena i kele fuli ala kua motou gaoi.

Neemia 10:38

Ko le tagata faisakilifisio, vosa o Alone, e ano loa mo le kau Levi i le temi leia e lotou tae ai le vaega lena ; ti e too loa e le kau Levi le vaega kau agafulu lena o soli ki le fale o lomatou Atua, ki kogafale tanaki o koloa.

Neemia 12:44

I le aso lena, na fakanofo loa ni tagata ke leoleo ia a kogafale ala na tanaki ai a koloa o moliga, mo uluaki fua, mo vaega kau agafulu, ti na tuku loa kia latou ke lotou tanaki ki ai a vaega ala na fakatotonu e le lao ke soli ki le kau tagata faisakilifisio mo le kau Levi, mei kolo o le fenua. Talie na fiafia a Suta i le nofo a le kau tagata faisakilifisio mo le kau Levi i olatou tuulaga,

Neemia 12:47

I le temi o Solopapele mo Neemia, na soli e Iselaele katoa a vaega o le kau sua mo le kau tuu matapa, i aso taki tasi ; ti na soli ki le kau Levi a nea taputapu, ti na soli e le kau Levi ki vosa o Alone a nea taputapu.

Neemia 13:12

Ti na toe aumai loa e Suta katoa ki fale tanaki koloa le vaega kau agafulu o le fulumeto, mo le vino, mo le lolo.

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Malakia 2:4

E kotou iloa ai loa na kau tuku atu kia koutou le fakatotonu lena, O tupu ke mauli laku sai mo Levi, E pati le Eteleno o kau tau.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Numelo 18:6

Ko leinei, kua kau filifili okoutou fetaina Levi mei loto malie o fanau a Iselaele, ti kua kau soli latou, o fetogi koutou, ke lotou fai le tausi o le tapenakulo.

Numelo 3:6

Ke ke fakafeofi mai le faasiga o Levi, ti e ke tuku loa latou ke fakalogo ki le tagata faisakilifisio ko Alone, ti ke lotou fakasausau kiate ia.

Numelo 31:28

I le vaega o latou ala na kau i le tau, e ke too loa se vaega, leia ko se tukusau ki le Eteleno : e too loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti.

Kalate 6:6

Ko leia e akonaki ki ai le folafola, ke soli e ia se vaega i ana nea fuli ki leia e akonaki.

Tetelonome 18:8

e maua loa e ia se vaega tatau mo la ake ki lana nea kai, ti e toe maua loa e ia le totogi o ona nea fakafamili.

Epelo 7:5

Ko latou o vosa o Levi ala e gaoi fakapelepitelo e maua ia, o mulimuli ki le lao, le fakatotonu ke lotou tanaki le vaega kau agafulu mei le kakai, ko lona uiga mei olatou fetaina ala na au foki mei ifiifi o Apalaamo ;