Numelo 18:2 - Tosi Tapu

² Ke ke fakafeofi mai loa kiate koe ou fetaina, le faasiga o Levi, le faasiga o lou tamana, o tupu ke lotou tokoi kiate koe ti ke lotou fakasausau kiate koe, i le temi leia e ke ano ai loa a koe mo ou vosa, ki mua o le falela o le fakamaoki.

Numelo 18:2 ပူးပေါင်းရင်းမြစ်များ

Senesi 29:34

Na toe tinae loa a ia, o fanaui loa e ia se tasi a tama, ti na pati loa a ia : I le faiaga loa leinei, e pipiki loa loku avaga kiate au, talie kua kau fanaui kiate ia ni vosa e tolu. Ti na soli loa e ia ki le vosa lena le igoa ko Levi.

Lua tosi o Koloniko 30:16

Na lotou too olatou tuulaga masani, o mulimuli ki le lao a Moisese, tagata a le Atua, ti na liligi e le kau tagata faisakilifisio le toto, leia na lotou tali mei le lima o le kau Levi.

Esekiele 44:11

E lotou nonofo loa i loku fale tapu ofaipe ni tagata fakasausau, ti e lotou leoleo loa a matapa o le fale tapu ti e lotou fai loa le tausi i le fale tapu. E lotou tamate loa ki le kakai a manu o failaulau mo sakilifisio, ti e lotou tutuu loa i mua o le kakai o fakasausau kia latou.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Malakia 2:4

E kotou iloa ai loa na kau tuku atu kia koutou le fakatotonu lena, O tupu ke mauli laku sai mo Levi, E pati le Eteleno o kau tau.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 16:40

Ko se fakamanatu a ia ki fanau a Iselaele, o tupu ke aua na fakafeofi se tasi leia e leaise kau ki le sakoga o Alone, o momoli se kaloni i mua o le Eteleno, ti ke aua na fai loa a ia pe Kole mo lona kakai, o mulimuli ki le nea leia na fakasa e le Eteleno ia Moisese.

Numelo 17:7

Na tuku loa e Moisese a tokotoko ki mua o le Eteleno, i le falela tapu o le fakamaoki.

Numelo 18:4

E lotou tokoi loa kia koutou, ti e lotou tokaga loa ki le tausi o le falela tapu mo gaoi fuli ala e tonu ke fai i le falela tapu. E leaise fakafeofi loa se tagata kese kia koutou.

Numelo 3:5

Na masau loa le Eteleno kia Moisese, o pati :

Numelo 4:15

Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.

Numelo 8:19

Kua kau soli le kau Levi fuli kia Alone mo ona vosa, mei loto malie o fanau a Iselaele, ke lotou fai le tausi a fanau o Iselaele i le falela tapu, ke lotou fai le fakamalie ki fanau a Iselaele, ti ke aua na soko loa se malaia ki fanau a Iselaele, o tupu na lotou fakafeofi ki le sagatualio.

Numelo 8:22

I le oki o le nea lena, na ano loa le kau Levi o fai lalatou tausi i le falela tapu, i mua o Alone mo ona vosa, o mulimuli ki le nea leia na fakatotonu e le Eteleno kia Moisese o uiga mo le kau Levi.

Epelo 9:6

I le oki o le fakatuutuu fenaaki o nea fuli ana, ko tagata fai sakilifisio ala e fai ia le gaoi tapu e ulu i temi fuli ki le uluaki potu o le tapenakulo.