Numelo 18:19 - Tosi Tapu

¹⁹ E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Numelo 18:19 ပူးပေါင်းရင်းမြစ်များ

Lua tosi o Sau 12:16

Na leaise aumai loa ki le fale o le Eteleno le paaga o sakilifisio ki le agasala ti mo sakilifisio fakamolemole : na tuku le paaga lena ki le kau tagata faisakilifisio.

Lua tosi o Koloniko 13:5

Pe na leaise tonu ke kotou iloa kua soli e le Eteleno, le Atua o Iselaele, le puleaga o Iselaele kia Tavite o lee gato, kiate ia mo ona vosa, i se sai o le patai ?

Lua tosi o Koloniko 31:4

Ti na pati loa a ia ki le kakai, mo Selusalemi, ke soli le vaega o le kau tagata faisakilifisio mo le kau Levi, o tupu ke lotou tausi agatonu le lao a le Eteleno.

Ekesote 29:27

E ke fakatapui loa le fatafata mo le alaga mua o le ovi tagata, leia na fakaaoga ki le fakanofo o Alone mo ona vosa, io, le fatafata i lau liliaki a ia ki leia fetuu mo leia fetuu, mo le alaga mua i lau siki a ia ki aluga.

Esekiele 43:24

E ke momoli loa a manu ana i mua o le Eteleno ; e laku loa e tagata faisakilifisio se patai ki manu ana, ti e lotou momoli loa latou ko se failaulau ki le Eteleno.

Levitiko 2:13

E ke liligi loa se patai ki au moliga nea kai fuli ; e leaise ke tuku loa lau moliga ke sala patai, talie ko le patai ko le fakamailoga a ia o le sai leia kua fai e le Atua mo koutou. Koia e tonu ai ke ke tuku se patai i aluga o au moliga fuli.

Levitiko 21:22

E feala loa ke kai e ia le nea kai o lona Atua, ni nea maokioki lasi mo ni nea tapu.

Levitiko 7:14

E too loa e ia i moliga ana se nea e tasi i nea fuli ana ki le Eteleno ; kae maua loa le toe e le tagata faisakilifisio leia na liligi ia le toto o le vikitima o le komunio.

Numelo 18:11

Ko leinei se tasi a nea leia e ke toe maua loa : ko nea alofa fuli ala e momoli loa e fanau a Iselaele i le siki mo le liliaki ki fetuu mo fetuu ; e kau soli latou kiate koe, mo ou vosa, mo ou taineliki, i se lao leia e tuku sosolo. E kai loa ki ai leia e mea i lou fale.

Numelo 18:8

Na pati loa le Eteleno kia Alone : Ko leinei, i nea fuli ala e fakatapui mai kiate au e fanau a Iselaele, e kau soli kiate koe a nea ala na momoli mai kiate au ki le siki tapu. E kau soli latou kiate koe mo ou vosa, ofaipe se totogi o le fakanofo, i se lao leia e tuku sosolo.

Numelo 31:29

E ke tuku loa ki le tagata faisakilifisio ko Eleasale le tukusau lena kua soli ki le Eteleno.

Numelo 31:41

Na soli loa e Moisese ki le tagata faisakilifisio ko Eleasale le tukusau ki le Eteleno, o mulimuli ki le fakatotonu leia na tuku e le Eteleno kia Moisese.

Tetelonome 12:26

Kae ke ke ave loa ki le ganea leia e filifili loa e le Eteleno a nea ala e ke loto loa ke fakatapui ki le Eteleno mo moliga ala e ke fai loa ke fakasoko ai se fakapapau.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.