Numelo 18:15 - Tosi Tapu

¹⁵ E ke maua loa a uluaki fuli ala e lotou momoli loa ki le Eteleno, tatau fai a uluaki o tagata mo manu. Kae e ke fakatotogi loa le uluaki o le tagata, ti e ke fakatotogi loa le uluaki o le manu kelekele.

Numelo 18:15 ပူးပေါင်းရင်းမြစ်များ

Lua tosi o Sau 12:5

tuku ke too le paaga lena e le kau tagata faisakilifisio, e le tagata taki toka tasi mei kakai ala e iloa e ia, ti ke lotou fakaaoga a ia ki le fau o potu ala kua maumau o le fale tapu.

Neemia 10:37

ke aumai ki le kau tagata faisakilifisio, ki kogafale o le fale o lomatou Atua, a uluaki fua o lamatou falina kua lusi ti mo amatou moliga o laakau fua fuli, mo le vino, mo le lolo ; ti ke soli le vaega kau agafulu o lomatou kele ki le kau Levi, ti e tonu ke lotou too le vaega lena i kele fuli ala kua motou gaoi.

Ekesote 13:15

kae, i le fakafefeka e Falaone o lona loto, o leaise tuku e ia matou ke ano, na tamate loa e le Eteleno a uluaki fuli i le fenua o Esipito, mei uluaki o tagata o kaku ki uluaki o manu. Ko lena le tupuaga o laku momoli ki le Eteleno le sakilifisio ki manu tagata uluaki fuli, ti mo laku totogi ai a uluaki fuli o oku vosa.

Ekesote 13:2

Momoli mai kiate au a uluaki fuli, a uluaki fuli o fanau a Iselaele, tatau fai a tagata mo manu : Ko loku vaega latou.

Ekesote 22:29

Aua na ke toe fakatoloi ia loa le momoli mai o uluaki fua o lau fulumeto pe ko lau vite. E ke soli mai loa kiate au le uluaki o ou vosa.

Ekesote 34:20

E ke totogi loa ki se akeno le uluaki o le asino ; ti kapau e leaise ke totogi a ia, e ke fatii loa lona ua. E ke totogi loa a uluaki fuli o ou vosa ; ti e leaise au loa ki oku mua mo lima ata.

Numelo 18:16

E ke fakatotogi loa laua kamata i le masina tasi, o fakalogo ki lau fakafuafua, ki ni fa sikele siliva e lima, o mulimuli ki le sikele o le sagatualio, leia ko fa sikele e kau lua.

Numelo 3:13

Talie i le aso leia na kau tamate ai a uluaki o le kau Esipito, na kau fakatapui kiate au a vosa uluaki fuli o fanau a Iselaele mo uluaki fuli o alatou kau manu : a aku loa latou, ko au ko le Eteleno.

Numelo 3:46

Ti na toe loa ke toe totogi a tino lelau lua tupu fitu tupu tolu (273) tagata uluaki o fanau a Iselaele, ala na fakalaka loa i le kau Levi.

Tetelonome 15:19

E ke fakatapui loa ki le Eteleno, lou Atua, a manu tagata uluaki fuli ala e tupu loa i lau kau manu lalasi mo lau kau manu liliki. Ke aua na ke fakagaoi loa le pipi tagata uluaki, ti ke aua na ke koti loa a fulu o le ovi tagata uluaki.