Numelo 18:11 - Tosi Tapu

¹¹ Ko leinei se tasi a nea leia e ke toe maua loa : ko nea alofa fuli ala e momoli loa e fanau a Iselaele i le siki mo le liliaki ki fetuu mo fetuu ; e kau soli latou kiate koe, mo ou vosa, mo ou taineliki, i se lao leia e tuku sosolo. E kai loa ki ai leia e mea i lou fale.

Numelo 18:11 ပူးပေါင်းရင်းမြစ်များ

Levitiko 10:14

E kotou kai loa i se ganea mea, e koe mo ou vosa ti mo ou taineliki, le vakavakapu leia na liliaki ki fetuu mo fetuu ti mo le alaga mua atamai leia na siki ki aluga i mua o le Eteleno ; talie kua soli kia koutou a inati ana ko le totogi o le gaoi fakapelepitelo, i sakilifisio fakafetai fuli a fanau o Iselaele.

Levitiko 7:14

E too loa e ia i moliga ana se nea e tasi i nea fuli ana ki le Eteleno ; kae maua loa le toe e le tagata faisakilifisio leia na liligi ia le toto o le vikitima o le komunio.

Numelo 18:1

Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 18:10

E kotou kai loa latou i se ganea maokioki lasi ; e kai loa ki ai tagata fuli ; e kotou tio loa kia latou ofaipe ni nea tapu.

Numelo 18:19

E kau soli kiate koe, mo ou vosa, ti mo ou taineliki, i se lao tuku sosolo, a moliga tapu fuli ala e ave loa e fanau a Iselaele ki le Eteleno i le siki. Ko se fakapapau a ia e leaise feala ke maumaui ti e tuu a ia o lee gato i mua o le Eteleno, kiate koe mo lou sakoga.

Numelo 18:8

Na pati loa le Eteleno kia Alone : Ko leinei, i nea fuli ala e fakatapui mai kiate au e fanau a Iselaele, e kau soli kiate koe a nea ala na momoli mai kiate au ki le siki tapu. E kau soli latou kiate koe mo ou vosa, ofaipe se totogi o le fakanofo, i se lao leia e tuku sosolo.

Tetelonome 18:3

Ko nei loa a nea ala ke soli ki le kau tagata faisakilifisio e le kakai, e latou ala e momoli ia loa se sakilifisio, se pipi tagata pe ko se akeno : e soli loa ki le tagata faisakilifisio le alaga mua, mo kaugutu, mo le kete.