Numelo 17:8 - Tosi Tapu

⁸ I le apogipogi ake, i le temi leia na ulu ai loa Moisese ki le falela o le fakamaoki, ko leinei, kua se le tokotoko o Alone, ki le famili o Levi : kua tupu i ai ni muko, mo ni se, mo ni fuai amatie leleu.

Numelo 17:8 ပူးပေါင်းရင်းမြစ်များ

Senesi 40:10

Na maga tolu le tafito vite lena. Na mauli ake loa a ia o se, ti na fua loa a ia o fuifui, ti na leleu loa ona fui vite.

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esekiele 17:24

Ti e iloa loa e laakau fuli o le vao ko au, le Eteleno, na kau tuku ia ki lalo le laakau leia na malaga ki aluga, kae na kau siki ia ki aluga le laakau leia na tuku ki lalo, ti na kau fakagae ia le laakau sesega kae na kau fakasesega ia le laakau gae. Ko au, le Eteleno, kua kau masau, ti e kau gaoi loa.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Esekiele 19:14

Na mapuna le afi i ona laa, Ti na kai e ia ona fua ; E leaise koi maua e ia ni laa makeke Ke fai ai se tokotoko fakasau. Ko lena se lau mamae, leia e tonu ke sua ko se lau mate.

Numelo 16:5

Na masau loa a ia kia Kole mo lana kakai katoa, o pati : I le usu apogipogi, e fakasa loa e le Eteleno pe ko ai leia kua filifili e ia, pe ko ai leia kua fakanofo e ia ke fakafeofi kiate ia. E fakafeofi ake loa e ia kiate ia leia ka filifili loa e ia.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Numelo 17:9

Na too loa e Moisese a tokotoko fuli mei mua o le Eteleno, ti na ave loa e ia latou ki fanau fuli a Iselaele, ke lotou tio fuli ki ai, ti ke lotou tasi too loa lana tokotoko.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.