Numelo 16:9 - Tosi Tapu

⁹ Pe ko se nea noa kia koutou ke filifili koutou e le Atua o Iselaele i le fakatasi katoa o Iselaele, ke kotou fakafeofi kiate ia, o tupu ke kotou gaoi ki le tapenakulo o le Eteleno, ti ke kotou tutuu i mua o le fakatasi o tausi kiate ia ?

Numelo 16:9 ပူးပေါင်းရင်းမြစ်များ

Senesi 30:15

Na tali loa a Lea kiate ia : Pe leaise feauga kiate koe lau too loku avaga ? Pe ke loto foki ke ke toe too mo matakole o loku tama ? Ti na pati loa Lasele : E malie ! E momoe loa Sakopo mo koe i le po leinei ke totogi ai a matakole o lou tama.

Lua tosi a Samuele 7:19

Ti e leikiaise feauga aifai le nea lena ki ou mata, ei Aliki Eteleno ; talie kua ke toe masau foki ki le fale o lau tagata fakasausau ki temi ki muli. Ti kua ke finegalo ke fakasa a nea ana ki se tagata, ei Aliki Eteleno !

Lua tosi o Koloniko 35:3

Na pati loa a ia ki le kau Levi ala na ako ia Iselaele katoa ti na fakatapui ki le Eteleno : Kotou fakatuu le aleka maokioki ki le fale leia na laga e Salomone, sau o Iselaele, vosa o Tavite ; e leaise tonu ke kotou toe amo a ia i okoutou tuauma. Kotou tausi i le lakaga nei ki le Eteleno, lokoutou Atua, ti mo lona kakai ko Iselaele.

Neemia 12:44

I le aso lena, na fakanofo loa ni tagata ke leoleo ia a kogafale ala na tanaki ai a koloa o moliga, mo uluaki fua, mo vaega kau agafulu, ti na tuku loa kia latou ke lotou tanaki ki ai a vaega ala na fakatotonu e le lao ke soli ki le kau tagata faisakilifisio mo le kau Levi, mei kolo o le fenua. Talie na fiafia a Suta i le nofo a le kau tagata faisakilifisio mo le kau Levi i olatou tuulaga,

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Esekiele 34:18

Kolea e leaise fia kai ai a iki o koutou i le faisaga malie tukupau ? Kolea e lotou takatakafi fakaveliveli ai le mutie leia e toe ? Pe leaise feauga kia koutou le maua o se vai mea ke inu ? Kolea e kotou fakafufu ai ki okoutou vae le nea leia na leaise kotou inu ?

Esekiele 44:16

E lotou ulu loa ki loku sagatualio, ti e lotou fakafeofi mai loa ki loku laupapa o tausi kiate au, io, e lotou tausi loa kiate au.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:8

Na pati loa Moisese kia Kole : Kotou fakalogo mai loa, ei vosa o Levi !

Numelo 3:6

Ke ke fakafeofi mai le faasiga o Levi, ti e ke tuku loa latou ke fakalogo ki le tagata faisakilifisio ko Alone, ti ke lotou fakasausau kiate ia.

Numelo 3:9

E ke fakasa loa ke fakalogo le kau Levi kia Alone mo ona vosa, ki le tausi o le sagatualio, ti ke lotou fakafofoga loa fanau a Iselaele.

Gaoi 13:2

I le lolotoga o lalatou tausi ki le Aliki i lalatou gaoi ki le folafola ti mo le sesunio, na pati loa le Laumalie Maokioki : Kotou vaei kese kiate au a Palenapa mo Saulo ki le gaoi leia kua kau kalagai laua ki ai.

Uluaki tosi ki le kau Kolinto 4:3

Kiate au, e leaise mauiga ke kotou fakamaaui au, pe ke fakamaaui au e se fakamaauaga a tagata. E leaise kau fakamaaui foki a au totonu, talie e leaise kau maua ni nea i loku loto ala e kau sala ai ;

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Uluaki tosi a Samuele 18:23

Na fai loa e tagata fakasausau a Saulo a masau ana ki taliga o Tavite. Ti na tali loa Tavite : Pe kotou masalo ko se nea faigaofie le liliu ko le fugao o le sau ? Ko se tagata seka au mo mativa.