Numelo 16:46 - Tosi Tapu

⁴⁶ ti na pati loa Moisese kia Alone : ke ke too loa lau ipu tutuaga kaloni, ti e ke tuku loa ki ai ni malala kaka mei le aletale, ti e ke liligi loa ki ai se kaloni, ti e ke ano fakatavili loa ki le fakatasi, ti e ke fai loa kia latou le sakilifisio o le fakamalie ; talie kua mapaa le sausau o le Eteleno, ti kua kamata le malaia.

Numelo 16:46 ပူးပေါင်းရင်းမြစ်များ

Uluaki tosi o Koloniko 27:24

Na kamata lau e Soape, vosa o Teselusa, le kakai, kae na leaise fakaoki loa e ia a ia, o tupu na vilo loa le sausau o le Eteleno ki Iselaele i le lau lena, ti na leaise tosi loa le lau lena i le tosi fakamatala ki le sau ko Tavite.

Pesalemo 106:29

Na lotou fakatupu ia loa le sausau o le Eteleno i alatou gaoi, Ti na oso loa se malaia veli kia latou.

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Apakuki 3:5

I ona mua e saele ai le taumasaki, Ti e muli iate ia le taumasaki.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 11:33

Kae koi lotou lolotoga uuti loa le kanoi manu, ti na leikiaise lotou lamulamu fua a ia, na mu loa se sausau o le Eteleno ki le kakai, ti na tautea loa e le Eteleno le kakai ki se masaki fakaii.

Numelo 18:5

E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Numelo 25:8

Na mulii loa e ia le tagata Iselaele o kaku ki lona falela, ti na tooi loa e ia laua toka lua ki le tao, le tagata Iselaele mo le fafine, i le lalo manava. Ti na taofi ai loa le malaia i fanau a Iselaele.

Numelo 8:19

Kua kau soli le kau Levi fuli kia Alone mo ona vosa, mei loto malie o fanau a Iselaele, ke lotou fai le tausi a fanau o Iselaele i le falela tapu, ke lotou fai le fakamalie ki fanau a Iselaele, ti ke aua na soko loa se malaia ki fanau a Iselaele, o tupu na lotou fakafeofi ki le sagatualio.

Tetelonome 9:22

I Tapela, mo Masa, mo Kipiloti-Ataava, na kotou fakatupu loa le sausau o le Eteleno.