Numelo 16:33 - Tosi Tapu

³³ Na lotou ifo mauli loa ki le fenua o le kau mate, latou mo alatou nea fuli. Na toe mapono loa le kele i aluga o latou, ti na lotou puli loa i loto malie o le fakatasi.

Numelo 16:33 ပူးပေါင်းရင်းမြစ်များ

Pesalemo 141:7

Ofaipe se mafaa e sa i le kele, E fakamavaa loa e le nofoaga o le kau mate lona gutu, O folo olatou ivi ala kua mavetevete.

Pesalemo 143:7

Ke ke vave o tali mai kiate au, ei Eteleno ! E okioki loku laumalie. Aua na ke fufu mai kiate au ou mata ! E kau tatau loa mo latou ala e ifo ki le popoko.

Pesalemo 55:15

Na ta nonofo fakatasi i le fealofani ti na ta felogoi malie ai ; Na ta ano fakatasi mo le kakai ki le fale o le Atua !

Pesalemo 55:16

Ke fakamautoka latou e le mate, Ke lotou ifo mauli ki le nofoaga o le kau mate ! Talie e nofo le agaveli i olatou fale, i loto malie o latou.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 69:15

Ke ke too au i le pela, ti ke aua na kau toe ogo ! Ke saofaki au i oku fili ti mo le popoko loloto !

Pesalemo 9:15

O tupu ke kau fakasa ou fakavikiviki fuli I matapa o le taine o Sione, Ti ke kau fiafia ki lou fakamauli.

Esaia 14:15

Kae na ti loa a koe ki le nofoaga o le kau mate, Ki loloto o le popoko.

Esaia 14:9

Kua feosoaki le nofoaga o le kau mate o kaku ki ona fakatafito, O teuteu lau kaku ake ; Kua fafagu e ia i ou mua le kau mate, le kau lalasi o le malama nei, Ti kua fakatutuu e ia ki aluga mei olatou ekeekeaga fakasau a sau fuli o atu puleaga.

Esaia 38:18

E leaise ko le nofoaga leia o le kau mate e fakafetai kiate koe, E leaise ko le mate leia e sua kiate koe ; Ko latou ala kua ifo ki le popoko e leaise lotou toe amanaki malie ki lou agatonu.

Esekiele 31:14

O tupu ke aua na toe malaga ki aluga taulu o laakau fuli ala e tuu i tafatafa o le vai, Ti ke aua na toe masiki olatou tumutumu i laakau o le vaomatua, Ti ke aua na toe taualuga a sene fuli ala e fakavai tuumau. Talie kua tuku ki le mate a nea fuli mo fanau a le tagata, Ti e lotou ifo loa ki le loloto o le kele, Mo latou ala e ifo ki le popoko.

Esekiele 32:18

Vosa o le tagata, Fai se tagi laulau ki le kakai api o Esipito, ti ke ti a ia ki le loloto o le kele, A ia mo taineliki o atu puleaga makeke, Ki potu loloto o le kele, Mo latou ala e ifo ki le popoko !

Esekiele 32:30

I lena e i ai a pule fuli o le potu noleto, mo le kau Sitone fuli, Ala kua ifo ki le kau mate i le luma, Logo ai na lotou liligi le i o tupu ko lolatou makeke ; Kua momoe le kau pagani lena mo latou ala na tamate e le seleta, Ti kua lotou luma i le fakatasi mo latou ala kua ifo ki le popoko.

Numelo 16:32

Na fakamavaa loa e le kele lona gutu, o folo laua, laua mo ola famili, ti mo le kakai fuli o Kole mo alatou nea fuli.

Numelo 16:34

Na sosola loa fanau fuli o Iselaele, ala na tutuu o takatakai latou, i le logo ki alatou tagi, talie na lotou pati loa : Tou sosola na folo tatou e le kele !

Numelo 22:33

Na tio mai le asino fafine kiate au, ti na maafe tua tolu a ia meiate au ; kanapau na leaise maafe a ia meiate au, kua kau tamate loa a koe, kae kau fakamauli loa a ia.

Numelo 26:11

Na leaise mate loa a vosa o Kole i le nea lena.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.