Numelo 16:28 - Tosi Tapu

²⁸ Na pati loa Moisese : I le nea leinei e kotou iloa ai loa ko le Eteleno totonu leia na kakau ia mai au o fai a nea fuli anei, ti na leaise kau fai ia fua se nea e tasi i loku loto toka tasi.

Numelo 16:28 ပူးပေါင်းရင်းမြစ်များ

Uluaki tosi o Sau 18:36

I le temi leia na momoli ai loa le failaulau, na tuu loa Elia, le polofeta, i mua, o pati : Eteleno, le Atua o Apalaamo, mo Isaake, mo Iselaele ! ke iloa i le aso nei ko koe e Atua i Iselaele, ti ko au ko lau tagata fakasausau, ti na kau fai a nea fuli anei o mulimuli ki lau folafola !

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Ekesote 7:9

Kapau e pati atu loa Falaone kia koulua : Kolua fai se milakulo ! E ke pati loa kia Alone : Too lou tokotoko, o ti a ia ki mua o Falaone. E liliu loa a ia ko se gata.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Esekiele 13:17

Ti ko koe, vosa o le tagata, ave ou mata ki taineliki o lou kakai Ala e kikite o mulimuli ki olatou loto totonu, Ti ke kikite kia latou !

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Sakalia 4:9

Kua teki e lima o Solopapele le fakatafito o le fale leinei, ti e toe fakaoki loa a ia e ona lima ; ti e ke iloa loa na kakau mai au e le Eteleno o kau tau kia koutou.

Numelo 24:13

Pe soli mai foki e Palake kiate au lona fale leia kua apele i le paaga mo le aulo, e leaise kau mafai ia fua le fetogi o se ganea uvikipogi e tasi i fakatotonu a le Eteleno ; e kau fakasa ia loa le nea leia e pati loa ki ai le Eteleno !

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 14:11

Kotou tui mai kiate au, e kau nofo i le Tamana, ti e nofo le Tamana iate au ; kotou tui fua o tupu ko gaoi ana.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Tetelonome 18:22

Kapau e leaise fai loa ti e leaise soko loa le nea leia e masau loa ki ai le polofeta i le suafa o le Eteleno, ko se masau loa a ia na leaise fakasa loa e le Eteleno. Ko le matasoka lena na masau ai loa le polofeta : ke aua na ke i kiate ia.