Numelo 16:26 - Tosi Tapu

²⁶ Na masau loa a ia ki le fakatasi, o pati : Ke kotou fakamamao mei falela o tagata agaveveli ana ti ke aua na kotou fafa fua ki se nea e tasi o alatou nea, ke aua na kotou mamate fakatasi loa mo latou, o tupu ko alatou agasala fuli.

Numelo 16:26 ပူးပေါင်းရင်းမြစ်များ

Senesi 19:17

I le oki o lolatou tuku ki le tua kolo, na pati loa se tasi o aselo kia Lote : Sola ke ke mauli ; ke aua na ke toe tio ki muli, ti ke aua na ke toe tuu i le laumalie ; kae ke ke sola ki le mauga talie ke aua na ke mate.

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Numelo 16:25

Na tuu ake loa Moisese ki aluga, o ano kia Tatane mo Apilame ; ti na mulimuli loa le kau fakamatuatua o Iselaele iate ia.

Mateo 10:14

Kapau e leaise fakatalitali loa koutou ti e leaise fakalogo loa ki akoutou folafola, kotou mavae i le fale lena pe i le kolo lena, ti kotou tutuui le efu i okoutou vae.

Gaoi 13:51

Na tutui loa kia latou e Paulo mo Palenapa le efu o ola vae, ti na la ano loa ki Ikone,

Gaoi 8:20

Kae na pati loa Petelo kiate ia : Ke puli lau paaga mo koe, talie kua ke pati e totogi paaga le nea alofa o le Atua !

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Uluaki tosi kia Timoteo 5:22

Aua na ke teki fakatavili ou lima ki se tasi, ti ke aua na ke kau ki agasala a le kakai ; kae ke ke taupau a koe i le mea.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.