Numelo 16:22 - Tosi Tapu

²² Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 16:22 ပူးပေါင်းရင်းမြစ်များ

Senesi 18:32

Na toe pati loa Apalaamo : Ke aua na ita le Eteleno, ti e kau masau fakaoki loa i le faiaga nei. Ti kapau e maua loa i ai ni tagata agatonu fua e tino agafulu. Ti na pati loa le Eteleno : E leaise kau maumaui loa a ia, o tupu ko tagata agatonu ana e tino agafulu.

Lua tosi a Samuele 24:1

Na toe mu le sausau o le Eteleno ki Iselaele, ti na fakavelii loa e ia Tavite kia latou, o pati : Ano, ti ke lau pe toka fia Iselaele mo Suta.

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Sopo 12:10

E too e ia i lona lima le laumalie o nea fuli e mauli, Mo le tukumanava o tagata fuli.

Pesalemo 99:6

Ko Moisese mo Alone i ana tagata faisakilifisio, Ti mo Samuele ia latou ala na fetapa ki lona suafa, Na faikole loa ki le Eteleno, ti na tali loa e ia latou.

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Levitiko 4:3

Kapau na agasala le tagata faisakilifisio leia kua pani ki le lolo tapu, ti kua agasala loa i ai le kakai, e tonu loa ke momoli e ia ki le Eteleno, o uiga mo lana agasala, se pipi tagata lee mele.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 16:23

Na masau loa le Eteleno kia Moisese, o pati :

Numelo 16:4

I le logo a Moisese ki le nea lena na fakavilo loa a ia o fakapulou ona mata i le kele.

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Numelo 27:16

Ke alofa le Eteleno, ko le Atua o laumalie o nea fuli ala kua fakatupu, o fakanofo se tagata i le ulu o le kakai,

Loma 5:18

Koia, i le sala a se tagata e toka tasi, ko Atama, na tupu ai le tautea o tagata fuli, i le gaoi faitotonu foki a se toka tasi, ko Sesu-Kilisito, na mafola ai le fakamatatonu leia e soli ia le mauli ki tagata fuli.

Uluaki tosi ki le kau Kolinto 13:7

e uufi e ia a nea fuli, e tui a ia ki nea fuli, e amanaki malie a ia ki nea fuli, e kataki e ia a nea fuli.

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?

Sosue 22:18

Ko leinei kua kotou tiaki le Eteleno ! Kapau e kotou fakafesagai i le aso nei ki le Eteleno, i apogipogi e ita loa a ia ki le kakai katoa o Iselaele.