Numelo 16:21 - Tosi Tapu

²¹ Kolua mavae kese i le fakatasi leinei, ti e kau tamate loa a ia i se temi e tasi.

Numelo 16:21 ပူးပေါင်းရင်းမြစ်များ

Senesi 19:13

Talie ka ma maumaui loa le ganea leinei, o tupu kua lasi ai le tagi ki lona kakai i mua o le Eteleno. Na kakau mai maua e le Eteleno ke ma au o maumaui a ia.

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Ekesote 32:10

I le lakaga nei, aua na ke taofi au ; e mu loa loku sausau kia latou, ti e kau fakapuli loa latou ; kae e kau fakaliliu loa a koe ko se puleaga lasi.

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Selemia 5:16

E fai lana tanakiaga gasau pe se tanuma mavaa ; E lotou totoa fuli.

Numelo 14:12

E kau tautea loa a ia ki se masaki veli, ti e kau maumaui loa a ia ; kae e kau fai loa kiate koe se puleaga leia e lasi ake loa mo makeke ake loa iate ia.

Numelo 14:15

Kapau e tamate loa le kakai leinei ofaipe se tagata e tasi, e pati loa puleaga fuli ala na logo masau kiate koe :

Numelo 16:20

Ti na masau loa le Eteleno kia Moisese mo Alone, o pati :

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Numelo 17:10

Na pati loa le Eteleno kia Moisese : toe ave le tokotoko o Alone ki mua o le aleka o le fakamaoki, ke taupau a ia ofaipe se fakamailoga ki fanau o le agatuu, o tupu ke ke fakagato i oku mua alotou lalau, ti ke aua na lotou mamate loa.

Gaoi 2:40

Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.