Numelo 16:16 - Tosi Tapu

¹⁶ Na pati loa Moisese kia Kole : Ko koe mo lou kakai, ke kotou fakatasi i le aso apogipogi i mua o le Eteleno, a koe mo latou, mo Alone.

Numelo 16:16 ပူးပေါင်းရင်းမြစ်များ

Ekesote 16:9

Na pati loa Moisese kia Alone : Pati ki le fakatasiga katoa o fanau a Iselaele : Kotou fakafeofi mai ki mua o le Eteleno, talie kua logo a ia ki akoutou gugu.

Numelo 12:4

Ti fokifa kua pati le Eteleno kia Moisese, mo Alone, mo Miliamu : Kotou ano toka tolu loa ki le falela tapu. Na lotou ano loa ki ai.

Numelo 16:15

Na ita lasi ai Moisese, ti na pati loa a ia ki le Eteleno : Aua na ke tali alatou moliga. Na leaise kau too se asino fua e tasi ia latou, ti na leaise kau fai se nea veli fua e tasi ki se toka tasi o latou.

Numelo 16:17

Ke kotou tasi too loa lana ipu tutuaga kaloni, ti ke kotou liligi loa ki aluga se kaloni, ti ke kotou tuku loa akoutou ipu tutuaga kaloni i mua o le Eteleno : E maua loa ni ipu tutuaga kaloni e kau lelau e lua kau lima ; ko Alone mo koe, e kolua too loa akoulua ipu tutuaga kaloni taki tasi.

Lua tosi kia Timoteo 2:14

Fakamanatu a nea ana, o fakatotonu kia latou i mua o le Atua, ke tiaki a fefele i kupu, ala e aoga fuai ki le maumaui o latou ala e fakalogologo.

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.

Uluaki tosi a Samuele 12:7

I le lakaga nei, kotou tutuu, ti e kau fakamaaui loa koutou i mua o le Eteleno, ki nea malilie fuli ala na soli atu e le Eteleno kia koutou, kia koutou mo okoutou tamana.