Numelo 15:5 - Tosi Tapu

⁵ ti e ke fai loa se lipasio ki se liti vino e tasi mo se vaelua ki akeno fuli ala e momoli loa i se failaulau pe ko se sakilifisio fakafetai.

Numelo 15:5 ပူးပေါင်းရင်းမြစ်များ

Lua tosi o Koloniko 29:35

Ti na lasi ai foki a failaulau, mo gako o sakilifisio fakafetai, ti mo lipasio o failaulau. Koia na toe fakatuu ai loa le tausi o le fale o le Eteleno.

Esetalasi 7:17

Koia, e ke tokaga loa o totogi ki le paaga lena ni pipi tagata, mo ni ovi tagata, mo ni akeno, mo nea fuli ala e aoga ki moliga, mo moliga vino ti mo lolo, ti e ke momoli loa a nea ana i aluga o le aletale o le fale o lokoutou Atua i Selusalemi.

Pesalemo 116:13

E kau siki loa le ipu o saofaki, Ti e kau fetapa loa ki le suafa o le Eteleno ;

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Levitiko 1:10

Ti kapau ko lana moliga ko se manu ikiiki ki le failaulau, ko se akeno tagata muli pe ko se koti tagata muli, e momoli loa e ia se manu tagata lee mele.

Levitiko 23:13

Ti kotou ave loa a ia mo se moliga nea kai, ko ni kilo falina e ono ala kua lusi ki le lolo, ofaipe se moliga tutu e le afi, ko se nea manogi malie a ia ki le Eteleno ; ti e kotou fai loa se moliga vino, ko se liti e tasi mo se vaelua.

Levitiko 3:6

Kapau e momoli e ia se manu ikiiki, tagata pe fafine, i se sakilifisio fakafetai ki le Eteleno, e ave loa e ia se manu lee mele.

Levitiko 3:7

Kapau e momoli e ia le sakilifisio ko se akeno, e ave loa e ia a ia ki mua o le Eteleno.

Sakalia 9:17

Io ! Kua lasi ai lona manuia ! Kua lasi ai lona fulumalie ! E tupu lalasi loa a tamaliki tupulaga i le fulumeto, Ti taineliki tupulaga i le vino.

Numelo 15:11

E fai fenaaki loa ki pipi tagata taki tasi, mo ovi tagata taki tasi, mo akeno taki tasi, ti mo koti tagata liliki taki tasi.

Numelo 15:6

Ki se ovi tagata, e ke ave loa ni kilo falina e ono ala kua lusi fakatasi mo ni liti lolo e lua,

Numelo 28:14

Ko lipasio ko liti vino e tolu ki le pipi tagata e tasi, mo liti vino e lua ki le ovi tagata e tasi, ti mo le liti vino e tasi mo le vaelua ki le akeno e tasi. Ko le failaulau a ia o le kamataaga o le masina, ki le masina taki tasi i masina fuli o le fetuu.

Numelo 28:7

Ko lona lipasio (moliga nea inu) ko se liti vino e tasi mo se vaelua ki le akeno taki tasi : e ke fai loa le lipasio ki le Eteleno i le sagatualio.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Tuifakamaau 9:13

Kae na tali loa le vite kia latou : Pe kau fakafiti loa ki loku vino leia e fakafiafia ia le Atua mo tagata, o ano o lagiaki ki laakau ?