Numelo 15:4 - Tosi Tapu

⁴ Ko leia e fai ia loa lana moliga ki le Eteleno e ave loa e ia se moliga nea kai ko kilo falina e tolu ala kua lusi fakatasi mo se liti lolo e tasi mo se vaelua,

Numelo 15:4 ပူးပေါင်းရင်းမြစ်များ

Esetalasi 7:17

Koia, e ke tokaga loa o totogi ki le paaga lena ni pipi tagata, mo ni ovi tagata, mo ni akeno, mo nea fuli ala e aoga ki moliga, mo moliga vino ti mo lolo, ti e ke momoli loa a nea ana i aluga o le aletale o le fale o lokoutou Atua i Selusalemi.

Ekesote 29:40

E ke momoli fakatasi loa mo le uluaki akeno se falina mea, ko le vaega kau agafulu e tasi o le efa, leia kua lusi ki se liti lolo olive tuki e tasi vaelua, ti mo se vino, ko le liti e tasi vaelua.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Esekiele 46:14

E ke teki loa ki le failaulau se moliga nea kai i usu fuli : ko le vaega ono o le efa, mo le vaega tolu o le ini lolo, ke lusi ai le falina. Ko se moliga nea kai lena ki le Eteleno, ti e tonu ke mulimuli tuumau ki ona lao.

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 14:10

I le valu o aso, e too loa e le tagata lena ni akeno lee mele e lua, mo se ovi fafine fetuu tasi mo lee mele, ti mo se moliga nea kai ko kilo falina e iva ala kua lusi ki le lolo ti mo se vaeluai liti lolo.

Levitiko 2:1

Kapau e fai loa e se tagata sana moliga nea kai ki le Eteleno, e fai loa e ia lana moliga ki le falina tea ; ti e liligi loa e ia se lolo ki aluga, ti e toe tuku loa e ia ki ai se iseso.

Levitiko 2:15

E ke liligi loa se lolo i aluga, ti e ke toe teki loa ki aluga se iseso. Ko se moliga nea kai a ia.

Levitiko 23:13

Ti kotou ave loa a ia mo se moliga nea kai, ko ni kilo falina e ono ala kua lusi ki le lolo, ofaipe se moliga tutu e le afi, ko se nea manogi malie a ia ki le Eteleno ; ti e kotou fai loa se moliga vino, ko se liti e tasi mo se vaelua.

Levitiko 3:7

Kapau e momoli e ia le sakilifisio ko se akeno, e ave loa e ia a ia ki mua o le Eteleno.

Levitiko 6:14

E teuteui loa a ia i le fakapaku o fakatasi mo le lolo, ti e ke ave loa a ia kua oki i le fakapaku. E ke momoli loa a ia kua moso ti kua tofi ofaipe se moliga, ko se nea manogi malie a ia ki le Eteleno.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Numelo 28:12

Ko le moliga nea kai ki le pipi tagata taki tasi, ko kilo falina e iva ala kua lusi fakatasi mo le lolo ; ko le moliga nea kai ki ovi tagata taki tasi, ko kilo falina e ono ala kua lusi fakatasi mo le lolo ;

Numelo 28:4

E ke momoli loa le tasi akeno i le usu, ti ko le tasi akeno i le afiafi,

Numelo 29:6

E kotou momoli loa a sakilifisio ana, o fakalasi ai le failaulau mo le moliga o le masina taki tasi, mo le failaulau o le aso taki tasi mo lona moliga nea kai, mo lona lipasio ala e pipiki kia latou. Ko ni sakilifisio tutu latou e le afi, ko se nea manogi a ia ki le Eteleno.

Numelo 7:13

Ko lana moliga : ko se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana na apele lualua i le falina mea leia kua lusi fakatasi mo le lolo, ki le moliga nea kai ;

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Tuifakamaau 9:9

Kae na tali loa le olive kia latou : Pe kau fakafiti loa ki loku lolo, leia e kau mauiga ai ki le Atua mo tagata, o ano o lagiaki ki laakau ?