Numelo 15:30 - Tosi Tapu

³⁰ Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Numelo 15:30 ပူးပေါင်းရင်းမြစ်များ

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Sopo 38:15

Ke too ai le malama i le kau agaveli, Ti ke fatii ai le lima leia e siki ki aluga ?

Pesalemo 19:13

Ko ai e iloa ia ona sese ? Fakamolemole mai kiate au ala e leaise kau iloa.

Pesalemo 69:9

Kua kau liliu ko se matapule ki oku fetaina, Ko se nea e leaise iloa ki vosa o loku tinana.

Pesalemo 74:18

Eteleno, manatui na lauveli le fili kiate koe, Ti na gologolo se kakai valea ki lou suafa !

Pesalemo 74:22

Tuu ki aluga, ei Atua, o puipui lau gaoiaga ! Manatu ki lauveli ala na fai kiate koe e le tagata valea i aso fuli !

Pesalemo 79:12

Liufaki ki fatafata o latou ala i omatou tafatafa o tua fitu, A lauveli ala na lotou fai ia kiate koe, Aliki !

Pesalemo 89:51

Aliki, manatui le luma o au tagata fakasausau ! Manatui e kau amo i loku fatafata a nukinuki a kakai toka api fuli ;

Ekesote 21:14

Kae kapau, i lona loto veli ki lona oloi, e fai loa e se tasi se puleaki kaka ke tamate ai a ia, e ke tatai loa a ia, tatau aifai pe mei loku aletale, o tamate a ia.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Esekiele 20:27

Koia, vosa o le tagata, masau ki le fale o Iselaele, o pati kia latou : E folafola le Aliki, le Eteleno, o pati : Kua takua noa okoutou tamana kiate au, o tupu kua lotou agatuu kiate au.

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Levitiko 20:3

Ti ko au, e kau tagaki loa oku mata ki le tagata lena ti e kau tuuti loa a ia mei lona kakai, talie kua momoli e ia lana fanau kia Moloke, ti kua fakakelekele e ia loku sagatualio, ti kua fakamatagafua e ia loku suafa tapu.

Levitiko 20:6

Kapau e masau se tagata ki le kau mate mo laumalie veli, o faiaga mo latou, e kau tagaki loa oku mata ki le tagata lena, ti e kau tuuti loa a ia mei lona kakai.

Numelo 15:29

Ko le lekula lena e tatau loa kia latou fuli ala e fai ia se agasala fakafuanoa, ki le kau Iselaele mo le kau matapule ala e mauli i loto malie o latou.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Mateo 12:32

Ko leia e masau veli loa ki le Vosa o le tagata, e fakamolemole loa kiate ia ; kae ko leia e masau veli loa ki le Laumalie Maokioki, e leaise toe fakamolemole loa kiate ia i le sekulo leinei pe ko le sekulo ka au.

Tetelonome 1:43

Na kau masau kia koutou, kae na leaise kotou fakalogo. Na kotou fakafefeka loa ki fakatotonu a le Eteleno, ti na kotou fia nealasi loa, o pale ki le mauga.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Epelo 10:26

Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.

Uluaki tosi a Samuele 2:25

Kapau e agasala se tagata ki se tasi tagata, e fakamaaui loa a ia e le Atua ; kae kapau e agasala a ia ki le Eteleno, ko ai e ulufaki ia loa a ia ? Ti na leaise la fakalogo loa ki le leo o lola tamana, talie na loto le Eteleno ke tamate laua.

Uluaki tosi a Samuele 3:14

Koia e kau fakapapau ai ki le fale o Eli, e leaise toe fakamolemole loa le agaveli a le fale o Eli i se aso, pe ki ni sakilifisio, pe ki ni moliga.