Numelo 15:24 - Tosi Tapu

²⁴ Ti kapau na agasala kae na leaise iloa, e momoli loa e le fakatasi katoa se failaulau ki se pipi tagata muli, ko se nea manogi malie a ia ki le Eteleno, mo lona moliga falina, mo lona lipasio, ti mo se koti tagata ki le sakilifisio o le fakamalie.

Numelo 15:24 ပူးပေါင်းရင်းမြစ်များ

Esetalasi 6:17

Na lotou momoli loa i le fakatapu o le fale lena o le Atua ni pipi tagata e kau lelau, mo ni ovi tagata e kau lelau lua, mo ni akeno e kau lelau fa, ki le fakamolemole o agasala a Iselaele katoa, ti na lotou momoli loa ni koti e kau agafulu tupu lua, o mulimuli ki famili o Iselaele.

Esetalasi 8:35

Ko le kakai leia na toe liliu mai mei le popula na momoli ia loa ni failaulau ki le Atua o Iselaele, ko ni pipi tagata e kau agafulu tupu lua ki Iselaele katoa, mo ni ovi tagata e kau iva tupu ono, mo ni akeno e kau fitu tupu fitu, ti mo ni koti tagata e kau agafulu tupu lua ki le fakamolemole o agasala : ko nea fuli ana ko ni failaulau ki le Eteleno.

Levitiko 23:19

E kotou momoli loa mo se koti tagata ki le sakilifisio fakamalie, ti mo ni akeno e lua ala e fetuu taki tasi mo lee mele ki le sakilifisio fakafetai.

Levitiko 4:2

Masau ki vosa o Iselaele, o ke pati : Kapau e agasala loa se tagata kae na leaise loto a ia ki ai, o fai e ia se nea leia na tapui e se lao e tasi o lao a le Eteleno, e tonu loa ke fai fakafeneeki :

Levitiko 4:22

Ti kapau e agasala loa se tagata pule, o fai fakafuanoa loa e ia se nea leia na tapui e se lao a le Eteleno, ko lona Atua, ti e agasala loa a ia i le nea lena.

Levitiko 4:23

Ka iloa loa e ia le sala leia na fai e ia, e momoli loa e ia se koti tagata lee mele.

Levitiko 5:15

Kapau e fai loa e se tagata, i lona loto noa, se sala ki moliga ala kua fakatapu ki le Eteleno, e tonu ke fai loa e ia le nea leinei : E momoli loa e ia ki le Eteleno, ki le totogi o lana agasala, se ovi tagata lee mele, leia kua totogi ki se paaga, o mulimuli ki le totogi leia e fakaaoga i le sagatualio ; e fakaaoga loa le manu lena ki le sakilifisio o le faisala.

Levitiko 5:18

E tonu ke ave loa e ia ki le tagata faisakilifisio se ovi tagata lee mele, leia na totogi ki le paaga leia kua fakatuutuu ki le sakilifisio o le totogi ; Ti e fai loa e le tagata faisakilifisio kiate ia le fakamolemole o lana agasala leia na fai kae na leaise iloa e ia, ti e fakamolemole loa a ia kiate ia.

Numelo 15:23

mo nea fuli ala na fakatotonu kia koutou e le Eteleno ia Moisese, mei le aso leia na tuku ai e le Eteleno ana fakatotonu kia koutou mo okoutou tautupu fuli ki muli ;

Numelo 15:26

E fakamolemole loa ki le fakatasi katoa o fanau a Iselaele ti mo le matapule leia e nofo ia latou, talie na agasala fakafuanoa le kakai katoa.

Numelo 28:15

E momoli loa ki le Eteleno se koti tagata, i se sakilifisio o le fakamalie, o toe fakalasi ai le failaulau o le aso taki tasi mo lona lipasio.