Numelo 14:9 - Tosi Tapu

⁹ Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Numelo 14:9 ပူးပေါင်းရင်းမြစ်များ

Senesi 48:21

Na pati loa Iselaele kia Sosefo : Ko leinei ka kau mate loa ! Kae e nofo loa le Atua mo koutou, ti e toe fakaliliu loa koutou e le Atua ki le fenua o okoutou tamana.

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Pesalemo 106:24

Na lotou vesia loa ki le fenua o nea malilie ; Na leaise lotou tui loa ki le folafola a le Eteleno.

Pesalemo 121:5

Ko le Eteleno ko ia leia e taupau ia a koe, Ko le Eteleno ko lou malu i lou lima atamai.

Pesalemo 14:4

Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 46:8

E kau mo matou le Eteleno o kau tau, Ko le Atua o Sakopo, ko se kolo ulufaga a ia kia matou. - Manava.

Pesalemo 74:14

Na ke takafi le ulu o le kolokotile, Na ke soli a ia ke kai e le kakai o le toafa.

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Selemia 42:11

Aua na kotou i ki le sau o Papilone, leia e kotou i ki ai ; aua na kotou i kiate ia, e pati le Eteleno, talie e kau nofo mo koutou o fakamauli koutou ti mo saofaki koutou mei lona lima.

Selemia 48:45

I le malu o Eseponi e manavanava latou na sosola kua gagae ; Kae e ulu mai se afi mei Eseponi, Se ula mei loto malie o Sioni, E kai e ia a vakavaka o Moape, Ti mo tumuaki o le ulu o vosa o le maveuveu.

Taniela 9:5

Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Numelo 13:30

Na fakagato loa e Kalepo a lalau ala na kamata fai loa e le kakai kia Moisese. Na pati loa a ia : Ke tou ano nei o too le fenua ma tatou, talie e tou malo loa !

Numelo 17:6

Na masau loa Moisese ki fanau a Iselaele ; ti na soli loa e olatou pule fuli kiate ia ni tokotoko, e le pule taki tasi lona tokotoko, o mulimuli ki fale o olatou tamana, ko tokotoko e kau agafulu tupu lua ; na kau le tokotoko o Alone i olatou tokotoko.

Numelo 20:2

Na leaise maua loa se vai ki le kakai, ti na lotou fakatasi loa o fakavisi kia Moisese mo Alone.

Numelo 24:8

Na fakamavae a ia e le Atua mei Esipito, Ti e fai a ia kiate ia pe le makeke o le pipi vao. E kai e ia a puleaga ala e malaga kiate ia, E gugu e ia olatou ivi, ti e tamate e ia latou ki ana gasau.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 1:26

Kae na leaise kotou loto loa ke pale ki ai, ti na kotou agatuu loa ki le fakatotonu a le Eteleno, lokoutou Atua.

Tetelonome 1:29

Na kau pati loa kia koutou : Ke aua na kotou loto gaegae, ti ke aua na kotou i kia latou.

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !

Tetelonome 32:42

E kai loa e laku seleta olatou kanofi, Ti e kau fakainu loa aku gasau ke konana i lolatou toto, Io i le toto o le kau lavevea mo le kau popula.

Tetelonome 7:18

Ke aua na ke i kia latou. Kae ke ke manatui le nea leia na fai e le Eteleno, lou Atua, kia Falaone mo Esipito katoa,

Tetelonome 7:21

Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 14:12

Koia ke ke soli mai kiate au le mauga leinei na masau ki ai le Eteleno i le aso lena ; talie na ke iloa i le aso lena na nofo i ai ni fanau a Anake, ti na tuu i ai ni kolo tau lalasi mo makeke. Ko leia fua ke nofo le Eteleno mo au, ti e kau kapu ia loa latou, o mulimuli ki le nea leia na fakasa e le Eteleno.

Tuifakamaau 1:22

Na pale loa le fale o Sosefo ki Petele, ti na nofo loa le Eteleno mo latou.