Numelo 14:6 - Tosi Tapu

⁶ Ti ko Sosue, vosa o Nune, mo Kalepo, vosa o Sefune, ia latou fuli ala na tio i le fenua, na sae ia loa ola kofu,

Numelo 14:6 ပူးပေါင်းရင်းမြစ်များ

Senesi 37:29

Na toe liliu loa Lupeni ki le sosoni ; ti ko leinei, kua puli Sosefo i le sosoni. Ti na sae loa e ia ona kofu.

Senesi 37:34

Ti na sae loa e Sakopo ona kofu, kae tui loa e ia se taga, ti na tagi loa a ia ki lona vosa i se temi fualoa ai.

Senesi 44:13

Na lotou sae loa olatou kofu, ti na lotou toe teki loa alatou kavega ki asino, o toe liliu loa ki le kolo.

Lua tosi a Samuele 3:31

Na pati loa Tavite kia Soape mo le kakai katoa leia na nofo mo ia : Kotou sae okoutou kofu, kotou tui ni taga ti kotou tagi i mua o Apenele ! Ti na saele loa le sau ko Tavite i muli o le pusa o le mate.

Lua tosi o Sau 18:37

Ti na au loa kia Esekiasi a Eliakimi, vosa o Ilekisa, pule o le fale o le sau, mo Sepena, le sekalaipe, mo Soake, vosa o Asafe, le tagata fakafofoga o le sau, mo olatou teu kua sae, o fakamatala kiate ia a masau a Lapesake.

Uluaki tosi o Koloniko 7:27

ko le vosa o Nune : ko Sosue.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Numelo 13:30

Na fakagato loa e Kalepo a lalau ala na kamata fai loa e le kakai kia Moisese. Na pati loa a ia : Ke tou ano nei o too le fenua ma tatou, talie e tou malo loa !

Numelo 13:6

Ki le faasiga o Suta : ko Kalepo, vosa o Sefune.

Numelo 13:8

Ki le faasiga o Efalaimi : ko Sosue, vosa o Nune.

Numelo 14:24

Kae ko laku tagata fakasausau ko Kalepo, talie na nofo iate ia se laumalie kese, ti na mulimuli katoa a ia i loku ala, e kau fakaulu loa a ia ki le fenua leia na ano ki ai, ti e maua loa a ia e lona sakoga.

Numelo 14:30

e leaise kotou ulu loa ki le fenua leia na kau fakapapau ke fakanonofo ai koutou, gato fai kia Kalepo, vosa o Sefune, mo Sosue, vosa o Nune.

Numelo 14:38

Na gato loa kia Sosue, vosa o Nune, mo Kalepo, vosa o Sefune, na mauli loa i tagata ala na ano o tioi le fenua.

Numelo 14:5

Na tulolo loa Moisese mo Alone o fakatuu o la ulu ki le kele, i mua o le kakai katoa o Iselaele.

Numelo 14:7

ti na la masau loa ki le kakai katoa o Iselaele, o pati : Ko le fenua leia na motou takai o tioi, ko se fenua malie ai.

Mateo 26:65

Ti na sae loa e le pule faisakilifisio ona kofu, o pati : Kua fatituu a ia ki le Atua ! Kolea koi aoga mai ai ni tagata fakamaoki ? Ko leinei kua kotou logo ki lana fatituu ki le Atua.

Maleko 14:63

Na sae loa e le pule faisakilifisio ona kofu, o pati : Pe koi aoga mai aifai kia tatou ni tagata fakamaoki ?

Gaoi 14:14

I le iloa e le sa apositolo ko Palenapa mo Paulo le nea lena, na la sae loa ola kofu, kae la oso loa ki lotomalie o le kakai, o kalaga :

Sosue 14:6

Na fakafeofi ake loa a vosa o Suta kia Sosue, i Kilikale ; ti na pati loa Kalepo, vosa o Sefune, tagata Kenasi, kiate ia : E ke iloa ia le nea leia na fakasa e le Eteleno kia Moisese, tagata a le Atua, o uiga mo au ti mo koe, i Katesi-Palenea.

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Tuifakamaau 11:35

I lana tio ki lona taine, na sae loa e ia lona kofu, o pati : Oi ! ei loku taine, e ke tuku au ki le malaia, ko koe totonu leia e fakatupu ia loku mamae ! Na kau fakamavaa loku gutu o lasi i mua o le Eteleno, ti kua leaise kau toe mafai ia ke toe liliu ki muli.