Numelo 14:43 - Tosi Tapu

⁴³ Talie ko le kau Amaleke mo le kau Kanaane e nonofo i lena, i okoutou mua ; e kotou mamate loa i le tau talie kua kotou titua ki le Eteleno, ti e leaise ano loa le Eteleno mo koutou.

Numelo 14:43 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Pesalemo 44:10

Kae ko leinei, e ke tekei matou, e ke fakaapele matou i le luma, E leaise koi ke ano o tau mo amatou kau solia.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Numelo 13:29

E nofo le kau Amaleke i le saute o le fenua. E nofo le kau Iti, mo le kau Sepusi, ti mo le kau Amole i le mauga. E nofo le kau Kanaane i le mata tai mo kauvai o le Solotane.

Numelo 14:25

Na nofo le kau Amaleke mo le kau Kanaane i le vaivailiua. Apogipogi, kotou maliu loa, ti kotou ano loa ki le toafa, i le ala ki le tai Kula.

Numelo 14:42

Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Numelo 14:44

Kae na lotou patigataa loa, o pale ki le tumutumu o le mauga ; kae na leaise mavae le aleka o le fakamaoki o le Eteleno mo Moisese i loto malie o le nofolaga.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Sosue 7:12

Kapau ko lena, ti e leaise mafai loa ke tuu a fanau a Iselaele i mua o olatou fili ; e lotou sosola loa i mua o olatou fili, talie e lotou maumau tapu. E leaise kau toe kau loa mo koutou, mo kapau e leaise kotou maumaui loa a nea ala na kau tapui atu kia koutou.

Tuifakamaau 16:20

Ti na pati loa Talila : Samisoni, kua au le kau Filisitini kiate koe ! Na ala ake loa a ia i lana moe, o pati : E fai loa pe le masani, e leaise lotou mafai ia loa se nea kiate au, e kau saosaoa loa ! Kae na leaise iloa e ia kua mavae le Eteleno meiate ia.