Numelo 14:42 - Tosi Tapu

⁴² Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Numelo 14:42 ပူးပေါင်းရင်းမြစ်များ

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Pesalemo 89:43

Kua ke siki ki aluga le lima atamai o ona fili, ti kua ke fakafiafia ona fili fuli.

Numelo 14:43

Talie ko le kau Amaleke mo le kau Kanaane e nonofo i lena, i okoutou mua ; e kotou mamate loa i le tau talie kua kotou titua ki le Eteleno, ti e leaise ano loa le Eteleno mo koutou.

Tetelonome 1:42

Kae na pati mai loa le Eteleno kiate au : pati kia latou : ke aua na kotou pale ki le mauga ti ke aua na kotou tau, talie e leaise kau nofo mo koutou, talie e kotou sosola loa i mua okoutou fili.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Sosue 7:12

Kapau ko lena, ti e leaise mafai loa ke tuu a fanau a Iselaele i mua o olatou fili ; e lotou sosola loa i mua o olatou fili, talie e lotou maumau tapu. E leaise kau toe kau loa mo koutou, mo kapau e leaise kotou maumaui loa a nea ala na kau tapui atu kia koutou.

Sosue 7:8

Ei Aliki, kolea loa le nea ke kau fakasa ia ki fanau a Iselaele, i le temi leinei kua lotou sosola ai i mua o olatou fili ?

Tuifakamaau 16:20

Ti na pati loa Talila : Samisoni, kua au le kau Filisitini kiate koe ! Na ala ake loa a ia i lana moe, o pati : E fai loa pe le masani, e leaise lotou mafai ia loa se nea kiate au, e kau saosaoa loa ! Kae na leaise iloa e ia kua mavae le Eteleno meiate ia.