Numelo 14:40 - Tosi Tapu

⁴⁰ Na lotou tutuu ake loa i le mafoata o pale ki le tumutumu o le mauga, o pati : Kua motou agasala ! Kae ko leinei kua motou tokamalie ke motou pale ki le ganea leia na pati ki ai le Eteleno.

Numelo 14:40 ပူးပေါင်းရင်းမြစ်များ

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Numelo 22:34

Na pati loa Palaame ki le aselo a le Eteleno : Kua kau agasala, talie na leaise kau iloa na ke tuu i oku mua i le ala ; ti ko leinei, kapau e kau fai se nea veli ki ou mata, ti e kau toe liliu loa ki loku kaiga.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Tetelonome 1:41

Na kotou tali loa, o pati mai kiate au : Kua motou agasala ki le Eteleno. Kae i le aso nei e motou pale loa ti e motou tau loa, o mulimuli ki le nea leia kua fakatotonu mai kia matou e le Eteleno. Ti na kotou tasi too ia loa ana masafu, o nonoa ki lona kilipipi, talie na kotou pati e faigaofie loa le too o le mauga.

Tetelonome 1:43

Na kau masau kia koutou, kae na leaise kotou fakalogo. Na kotou fakafefeka loa ki fakatotonu a le Eteleno, ti na kotou fia nealasi loa, o pale ki le mauga.