Numelo 14:35 - Tosi Tapu

³⁵ Ko au, ko le Eteleno, kua kau masau ! Ti e kau fai maoki loa le nea lena ki le kakai agaveli leinei, leia kua fakatasi o fakafesagai mai kiate au. E lotou mamate fuli loa i le toafa.

Numelo 14:35 ပူးပေါင်းရင်းမြစ်များ

Pesalemo 78:33

Na fakaoki loa e ia olatou aso i le nea vaiga, Ti mo olatou fetuu i le mamae.

Ekesote 23:21

Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Esekiele 20:36

Ofaipe laku fakatuaa okoutou tamana i le toafa o le fenua o Esipito, e kau fakatuaa loa koutou, e folafola, le Aliki, le Eteleno.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Numelo 26:65

Talie na pati le Eteleno : E lotou mamate loa i le toafa, ti e leaise toe loa se fa toka tasi, gato fai kia Kalepo, vosa o Sefune, mo Sosue, vosa o Nune.

Uluaki tosi ki le kau Kolinto 10:11

Ti na soko a nea fuli ana kia latou ko ni faifaitakiaga kia tatou, ti kua tosi latou ko ni akonaki kia tatou anei, kua kaku mai ki le fakaoki o sekulo.

Uluaki tosi ki le kau Kolinto 10:5

Kae na leaise malie le toka api o latou ki le Atua, talie na lotou mamate loa i le toafa.

Epelo 3:19

Koia e tou tio ai, na leaise mafai loa ke lotou ulu ki lona maloloaga, o tupu ko lolatou tui gataa.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.