Numelo 14:34 - Tosi Tapu

³⁴ Na kotou tioi le fenua i aso e kau fa, e kotou amo loa le mamae o akoutou agaveli i fetuu e kau fa, ko le fetuu e tasi ki le aso e tasi. Ti e kotou iloa ai loa le veli o le agatuu kiate au.

Numelo 14:34 ပူးပေါင်းရင်းမြစ်များ

Uluaki tosi o Sau 8:56

Ke fakafetai ki le Eteleno, leia kua soli ia le malolo ki lona kakai ko Iselaele, o mulimuli ki ana fakapapau fuli ! Ke fakafetai ki le Eteleno o uiga mo folafola malilie fuli ala na fai e ia ki le gutu o Moisese, lana tagata fakasausau, talie na leaise vilo noa se folafola fua e tasi.

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Pesalemo 38:4

E leaise nea fua koi malie i loku tino, o tupu ko lou sausau ; E leaise koi maua se makeke i oku ivi, o tupu ko laku agasala.

Pesalemo 77:8

Pe tiaki loa e le Aliki o lee gato ? Pe leaise toe alofa loa a ia ?

Pesalemo 95:10

I le lolotoga o fetuu e kau fa na kau vesia loa ki le lanu lena, Ti na kau pati loa : Ko se kakai leia kua sese lona loto, E leaise lotou iloa oku ala.

Esekiele 14:10

E lotou amo loa le tautea o lalatou agasala ; e tatau loa le tautea o le polofeta mo le tautea o leia na afa kiate ia,

Esekiele 23:35

Koia e folafola ai le Aliki, le Eteleno, o pati : O tupu na ke galoi au, O tupu na ke tiaki au ki ou muli, Koia e ke amo ai loa le tua o au aga fakalialia mo au faiaga.

Esekiele 4:5

E kau lau loa kiate koe ni aso o fakatatau ki le lasi o fetuu o lalatou agaveli, ko ni aso e kau lelau tolu kau iva ; e ke amo loa i ai le agaveli o le fale o Iselaele.

Esekiele 4:6

Ka oki loa a aso ana, ti e ke moe loa ki le fetuu atamai, ti e ke amo loa le agaveli o le fale o Suta i aso e kau fa ; e kau fakamaua kiate koe se aso e tasi ki le fetuu e tasi.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Levitiko 20:19

Aua na ke momoe loa mo le taina o lou tinana, pe ko le tuagaane o lou tamana, talie ko lou famili totonu. Ko latou ala e fai ia loa le nea lena, e amo ia loa le veli o le agasala lena.

Sakalia 11:10

Na kau too loa laku tokotoko leia ko Kalasia, ti na kau fatii loa a ia, ke motusi ai laku sai leia na kau fai mo kakai fuli.

Numelo 13:25

Na lotou toe liliu loa i le oki o le fakatele i le kau fa aso.

Numelo 18:23

E fai loa e le kau Levi le tausi o le falela tapu, ti e lotou amo loa alotou sala. E leaise lotou maua loa se tofiga i loto malie o fanau a Iselaele : ko se lao loa lena ke tuku sosolo i okoutou sakoga.

Numelo 32:13

Na mu loa le sausau o le Eteleno ki Iselaele, ti na fakaeva loa e ia latou i le toafa i fetuu e kau fa, o kaku ki le puli o le tautupu katoa leia na fai ia le nea veli lena ki mata o le Eteleno.

Gaoi 13:18

Ti na fagai loa e ia latou i fetuu e kau fa i le toafa ;

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Sosue 14:10

Ko leinei kua fakatologa e le Eteleno loku mauli o kaku mai ki le aso nei, o fai ki le nea leia na fakasa e ia kiate au. Kua oki fetuu e kau fa tupu lima ki le fakapapau lena na fai e le Eteleno kia Moisese, i le temi leia na saele ai a Iselaele i le toafa ; ti ko leinei kua kau fetuu kau valu tupu lima i le aso nei.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.