Numelo 14:33 - Tosi Tapu

³³ ti e eva loa okoutou fanau i fetuu e kau fa i le toafa, ti e lotou amo loa le tua o akoutou agatuu, o kaku ki lokoutou mamate fuli i le toafa.

Numelo 14:33 ပူးပေါင်းရင်းမြစ်များ

Pesalemo 107:4

Na lotou foli i le toafa, na lotou saele i le ganea lavaki ; Na leaise lotou maua se kolo leia ke lotou nonofo ai.

Pesalemo 107:40

E fakamamaei e ia le kau lalasi, Ti e fakafoli e ia latou i ni toafa sala ala.

Pesalemo 78:33

Na fakaoki loa e ia olatou aso i le nea vaiga, Ti mo olatou fetuu i le mamae.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Esekiele 23:35

Koia e folafola ai le Aliki, le Eteleno, o pati : O tupu na ke galoi au, O tupu na ke tiaki au ki ou muli, Koia e ke amo ai loa le tua o au aga fakalialia mo au faiaga.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Numelo 32:13

Na mu loa le sausau o le Eteleno ki Iselaele, ti na fakaeva loa e ia latou i le toafa i fetuu e kau fa, o kaku ki le puli o le tautupu katoa leia na fai ia le nea veli lena ki mata o le Eteleno.

Numelo 33:38

I le fakatotonu a le Eteleno, na pale loa le tagata faisakilifisio ko Alone ki le mauga o Oli, ti na mate loa a ia i ai, i le kau fa fetuu mei le mavae o fanau a Iselaele mei le fenua o Esipito, i le lima o masina, i le uluaki aso o le masina.

Numelo 5:31

Ti e leaise valoki loa se sala ki le tagata, kae e amo loa e le fafine lana agasala mo kapau na sala maoki a ia.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Tetelonome 1:3

I le kau fa fetuu mei le mavae mei Esipito, i le kau agafulu tupu tasi o masina, i le uluaki aso o le masina, na tuku loa e Moisese ki fanau a Iselaele a nea fuli ala na fakatotonu e le Eteleno ke fakasa kia latou.

Tetelonome 2:14

Ko le fualoa o le temi leia na tou saele ai mei Katesi-Palenea o kaku ki le fakalaka i le liua o Seleti ko fetuu e kau tolu tupu valu, o kaku ki le puli o le tautupu katoa o tagata tau, o mulimuli ki le fakapapau leia na fai e le Eteleno kia latou.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 29:5

Na kau taki a koe i le toafa i le lolotoga o fetuu e kau fa : na leaise popo fua ou teu iate koe, ti na leaise popo fua lou taka i lou vae ;

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Tetelonome 8:4

Na leaise popo lou lava iate koe, ti na leaise fufula lou vae i fetuu ana e kau fa.

Sosue 14:10

Ko leinei kua fakatologa e le Eteleno loku mauli o kaku mai ki le aso nei, o fai ki le nea leia na fakasa e ia kiate au. Kua oki fetuu e kau fa tupu lima ki le fakapapau lena na fai e le Eteleno kia Moisese, i le temi leia na saele ai a Iselaele i le toafa ; ti ko leinei kua kau fetuu kau valu tupu lima i le aso nei.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.